قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ حالىقارالىق ساياساتقا قوسقان وراسان زور ۇلەسى ءۇشىن جانە ەەو-نىڭ نىعايۋىنا قوسقانى ءۇشىن "جىل ادامى" حالىقارالىق سىيلىعىنىڭ لاۋرەاتى اتاندى.

"جىل ادامى - 2016" حالىقارالىق سىيلىعىنىڭ ماراپاتتاۋ ءراسىمى ماسكەۋ قالاسىندا ءوتتى. "حالىقارالىق ساياساتقا" قوسقان وراسان زور ۇلەسى ءۇشىن جانە ەۋرازيالىق ەكونوميكالىق وداقتىڭ نىعايۋىنا قوسقان ۇلەسى ءۇشىن قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆقا "جىل ادامى" سىيلىعى تابىستالدى. 

"جىل ادامى - 2016" حالىقارالىق سىيلىعى 1993 جىلدان بەرى رەسەي بيوگرافيالىق ينستيتۋتىنىڭ باستاماسىمەن قۇرىلعان. اتالعان ينيستيتۋت - عىلىم، مادەنيەت، مەملەكەتتى باسقارۋ، الەۋمەتتىك جاۋاپكەرشىلىك كاسىبى مەن  قايىرىمدىلىق سالالارىندا قىزمەت ەتىپ جۇرگەن ادامداردى ماراپاتتايدى.

سونداي-اق، "جىل ءفيلمى" نوميناتسياسى بويىنشا سىيلىق اندرەي شالوپا مەن "28 پانفيلوۆشىلار" ءفيلمىن جاساپ شىعارۋعا بەلسەنە ات سالىسقانى ءۇشىن، قر مادەنيەت جانە سپورت ءمينيسترى ارىستانبەك مۇحامەديۇلىنا بەرىلدى. ال وسى ءفيلمنىڭ دۇنيەگە كەلۋىنە ەلەۋلى ۇلەس قوسقانى ءۇشىن مەملەكەت قايراتكەرى، تاريحشى جانە  ساياساتكەر تايىر مانسۇروۆ تا سىيلىققا يە بولدى. 

Abai.kz