وقو-دا اۋىل شارۋشىلىعىن دامىتۋ ماقساتىندا بەرىلىپ جاتقان قارجىنىڭ كومەگىمەن سوڭعى ەكى جىلدا وڭىردە ۇساق مال سانى 24 پايىزعا كوبەيگەن، - دەپ حابارلايدى اباي-اقپارات. 

ءوز-ءوزىن جۇمىسپەن قامتىپ وتىرعان شارۋالاردىڭ بازىناسى ءبىر. اگرارلى سەكتورعا بولىنگەن قارجىنىڭ قولجەتىمدى بولۋىن قالايدى. بۇل قارجىنىڭ ۇلەستىرىلۋىندە اكىمشىلىك كەدەرگىلەر جەتەرلىك. 

دەسە دە كۇنگەيدىڭ ەپتى شارۋالار بۇل ءىستىڭ دە ۇدەسىنەن شىعىپ وتىر. جىل قورتىندىلاۋ اقپاراتتارىنا سۇيەنسەك، اۋىل شارۋشىلىعىن دامىتۋ ماقساتىندا بەرىلىپ جاتقان قارجىنىڭ كومەگىمەن سوڭعى ەكى جىلدا وڭىردە ۇساق مال سانى 24 پايىزعا كوبەيىپ، 4 جارىم ملن باسقا جۋىقتاسا، ءىرى قارا مالدىڭ باسى 26 پايىزعا ءوسىپتى.

ايتا كەتەيىك، بيىل تاعى وڭىردە مال بورداقىلاۋ الاڭى سالىنادى. قازىر شارۋالار قاراجاتتارىن الىپ جاتىر. پرەمەر-مينيسترمەن كەزدەسۋدە اگرارلىق سەكتور وكىلدەرى اۋىل شارۋاشىلىعى ونىمدەرىن جەتكىزۋ جانە ساقتاۋعا، سونداي-اق كولىك تاريفتەرىنە قاتىستى ماسەلەلەردى كوتەردى. ءماسىموۆ مىرزا ءوڭىر باسشىسى مەن جەرگىلىكتى كاسىپكەرلەردىڭ ۇسىنىستارىن تىڭداي كەلە ءوز شارۋلارعا كومەك قولىن سوزاتىنىن جەتكىزدى.

ۇكىمەت مۇشەلەرى ءىس-ساپارى كەزىندە «ماملاكات» جەكە شارۋا قوجالىعىنىڭ دا جۇمىسىمەن تانىستى. ايتا كەتەيىك، اۋىل شارۋاشلىعى ونىمدەرىن شاعاراتىن كاسىپورىن بۇگىندە جۇزدەگەن ادامدى جۇمىسپەن قامتىپ وتىر.

اباي-اقپارات