ەلىمىزدە اۋىل شارۋاشىلىعى سالاسىنا كورسەتىلىپ جاتقان قولداۋلاردىڭ ارقاسىندا وڭتۇستىك قازاقستاندا 2016 جىلدىڭ سوڭعى 5 ايىنداعى دەرەكتەرگە سۇيەنسەك،  جالپى اۋىل شارۋاشىلىق ءونىم كولەمى 99,9 ملرد.تەڭگەگە جەتتى. بۇل وتكەن جىلعىمەن سالىستىرعاندا 25,6 ملرد.تەڭگەگە ارتىق، دەپ حابارلادى وقو اكىمنىڭ ءباسپاسوز قىزمەتى.

اۋىل شارۋاشىلىق باعىتىندا اتقارىلعان جۇمىستاردى بايانداعان وبلىس اكىمىنىڭ ورىنباسارى ساپاربەك تۇياقباەۆ وڭىردە 80 مىڭعا جۋىق اگرو قۇرىلىمدار جۇمىس جاساپ جاتقانىن مالىمدەدى.

سونىمەن قاتار، ايماقتا اۋىل شارۋاشىلىعى داقىلدارى 776,4 مىڭ گا. جەرگە ورنالاستىرىلعانىن ايتىپ، جاپپاي استىق ورۋ ناۋقانى كەلەر اپتادان باستالاتىنىن حابارلادى. «بيىل ماساقتى داقىلدار 195 مىڭ گا. جەرگە ەگىلدى. ونىڭ ىشىندە كۇزدىك بيداي 144,8 مىڭ گا، كۇزدىك ارپا 2,4 مىڭ گا، جازدىق بيداي 12 مىڭ گا، جازدىق ارپا 35,8 مىڭ گا قۇرادى. ەگىلگەن ماساقتى داقىلداردىڭ ءار گەكتارىنا 22 تسەنتنەردەن جالپى 430 مىڭ توننا ءونىم جينالادى دەپ كۇتىلۋدە»،-دەدى س.تۇياقباەۆ. وڭىردە استىق ورۋ ناۋقانىندا 1060 كومباين مەن 45 ماشينا-تراكتورلىق ستانتسيالار قىزمەت كورسەتىتىن بولادى. ال اگروتەحنيكالىق تالاپتاردىڭ ساقتالىپ، جاڭا تەحنولوگيالاردىڭ قولدانۋى مەن مەملەكەت تاراپىنان دەر كەزىندە بەرىلگەن قولداۋلاردىڭ ارقاسىندا بيىلعى جىلى استىقتىڭ مول ءونىمىن وسىرۋگە قول جەتكىزىپ وتىر. بريفينگ بارىسىندا ساپاربەك تۇياقباەۆ شەگىرتكەگە قارسى جۇرگىزىلگەن جۇمىستار بويىنشا باياندادى. وندا ول زيان شەككەن شارۋالاردىڭ ءتىزىمى جاسالىپ جاتقانىن، سول تىزىمگە ەنگەن ءاربىر شارۋا نازاردان تىس قالماي قانداي دا ءبىر كومەك الاتىنىن اتاپ ءوتتى.

اباي اقپارات

.