جۋىردا شاردارا اۋدانىندا ەل تاۋەلسىزدىگىنىڭ 25 جىلدىعىنا وراي جەكە كاسىپكەر تالعات جالعاسباەۆتىڭ باستاماسىمەن جاڭادان بالىق زاۋىتى ىسكە قوسىلدى. بۇل تۋرالى «Abai.kz» پورتالى وڭتۇستىك قازاقستان وبلىسى اكىمى ءباسپاسوز قىزمەتىنە سىلتەمە جاساي وتىرىپ حابارلايدى.

تەڭىز جاعاسىنان بوي كوتەرگەن بالىق وڭدەۋ كاسىپورنىندا بالىق ەتى مەن تۇزدالعان جانە قاقتالعان بالىق ونىمدەرى وندىرىلەدى. جىلدىق قۋاتتىلىعى - 600 مىڭ توننا بالىق ونىمدەرىن قۇرايدى. الداعى ۋاقىتتا بۇل زاۋىتتان شىققان بالىق ونىمدەرى الىس جانە جاقىن شەتەلدەرگە دە شىعارىلاتىن بولادى. ۇدەمەلى يندۋستريالدى-يننوۆاتسيالىق دامۋ باعدارلاماسى اياسىندا 200 ملن. تەڭگەگە قۇرىلىس جۇمىستارى جۇرگىزىلگەن جاڭا عيماراتتىڭ اشىلۋ سالتاناتىنا وبلىس اكىمى جانسەيىت تۇيمەباەۆ قاتىسىپ، قۇتتىقتاۋ ءسوز سويلەپ، باسەكەگە قابىلەتتى بالىق ونىمدەرىن شىعارىپ، ەلىمىزدىڭ ازىق-تۇلىك قاۋىپسىزدىگىن قامتاماسىز ەتۋگە باعىتتالعان بۇل زاۋىتتىڭ ماڭىزى زور ەكەنىن ايتىپ ءوتتى.

شارداراداعى بۇل العاشقى بالىق وڭدەۋ زاۋىتى ەمەس. بۇعان دەيىن اۋداندا وسىنداي ەكى زاۋىت جۇمىس ىستەپ كەلەدى. «حاميت» ستك-ءى مەن «شاردارا بالىق – 1» بالىق وڭدەۋ زاۋىتتارى بيىلعى جىلى ەسەپتى مەرزىمدە 3700 تن. بالىق ونىمدەرىن ءوندىرىپ، الىس-جاقىن شەت ەلدەرگە ەكسپورتقا شىعارعان.

Abai.kz