سايرام تۇرعىن الابىنىڭ تۇرعىنى شۋكرات قۇدايبەرگەنوۆ ەل مەن بيلىك اراسىندا اشىق بايلانىس ورناتۋ ماقساتىندا جۇزەگە اسىرىلىپ وتىرعان "اشىق اكىمدىك" جوباسىنىڭ مۇمكىندىگىن پايدالانىپ ماماندارعا ءوز سۇراعىن جولداپ، ماسەلەسىن شەشىپ بەرۋدى سۇرانعان. بۇل تۋرالى «rgmedia.kz» سايتى حابارلايدى.

Oنىڭ جازۋى بويىنشا سايرام تۇرعىن الابىندا 150-دەن استام كوشەلەر بار ەكەن. سول كوشەلەرگە قاشان تاس توسەلىپ، اسفالت سالىناتىنىن بىلىگى كەلگەن ەكەن. تۇرعىننىڭ ءوتىنىشى بويىنشا سالاعا جاۋاپتى مامانداردىڭ جاۋابى بويىنشا 2015 جىلى سايرام تۇرعىن الابىنىڭ 13 كوشەسىندە ورتاشا جوندەۋ جۇمىستارى اتقارىلعان. 2016 جىلى 6 كوشەدە ورتاشا جوندەۋ جۇمىستارى اتقارۋعا بيۋدجەتتەن قارجى قارالىپ، بۇگىنگى تاڭدا مەردىگەر مەكەمەلەردى انىقتاۋ ءۇشىن مەملەكەتتىك ساتىپ الۋ كونكۋرستار وتكىزىلىپتى. جۇمىستار اعىمداعى جىلى مامىر ايىندا باستالعان بولاتىن. قازىر اسفالت توسەۋ جۇمىستارى اياقتالىپ قالعان. جالپى جىل سايىن رەت-رەتىمەن سايرام تۇرعىن الابىنىڭ كوشەلەرى تولىعىمەن اسفالتتالىناتىن بولادى دەيدى ماماندار. 

   وسىلايشا، "اشىق اكىمدىككە" كەلىپ تۇسكەن سۇراق، پروبلەمالاردىڭ بارلىعى دەرلىك شەشىمىن تابۋدا. سونداي-اق ەلباسىنىڭ «اقپاراتقا قولجەتىمدىلىك تۋرالى زاڭىن» ورىنداۋ ماقساتىندا كەلىپ تۇسكەن سۇراقتار مەن جاۋاپتاردىڭ بارلىعى رەسمي سايتتاردا تۇراقتى تۇردە جاريالانۋدا. اتالعان دەرەكتەردى تۇرعىندار كەز-كەلگەن ۋاقىتتا وقىپ، پىكىرىن بىلدىرە الادى.