قاسقاباس قازاق. «ەير استانا» ۇلتتىق كومپانيا ما؟
جۋىردا شەتەلگە دەمالىپ كەلگەن ءبىر جولداسىمىز تەلەفون شالدى. قال-جاعدايدى سۇراسىپ بولعان سوڭ، «وسى «ەير استانا» كومپانياسى قاي ەلگە قارايتىن ەدى؟ قازاقستان رەسپۋبليكاسى ونىڭ نەگىزگى ۇلەسكەرى، اكتسيونەرى ەمەس پە ەدى؟»، - دەپ سۇراق قويدى. «يا، «سامرۇق-قازىناعا» كىرەتىن ۇلتتىق كومپانيانىڭ ءبىرى»، - دەدىم ساسقانىمنان. «جاي ما، تىنىشتىق پا؟»، - دەپ ەنتەلەي جونەلدىم. وقىرمانىمىزدىڭ اڭگىمەسى مىناۋ:
«ولاي بولسا ماسقارا ەكەن. سول اۋەكومپانيانىڭ ۇشاعىنا ءمىنىپ تۇركياعا باردىم. ۇشاققا جايعاسىپ، جۇكتەرىمىزدى جوعارعى سورەگە سالىپ، جايعاسىپ الدىق. قاسىمىزداعى ءۇشىنشى ورىنعا قازاقشاسى ءتاپ-ءتاۋىر تۇرىك جىگىت وتىردى. بىزدەرگە قاراپ: «مىنالارىڭ ۇيات ەكەن. ۇشاقتاعى قازاقشا جازۋدىڭ بارلىعى دەرلىك ءارىپ قاتەسىمەن جازىلعان ەكەن»، - دەپ مىرس-مىرس ەتتى. ايەلىمىز ەكەۋمىز جان-جاعىمىزعا قاراپ، قازاقشا اتاۋلاردى وقىپ، باراتىن جەرىمىزگە جەتكەنگە دەيىن جولداسىمىز ەكەۋىمىز ءۇن قاتپاي وتىردىق. تەك شىعاردا ۇيالى تەلەفونىمدى الىپ، الگى جازۋدىڭ بىرەۋىن سۋرەتكە تۇسىرە سالدىم. ءبىر قىزىعى ۇشاقتاعى قىزمەتكەرلەردىڭ بارلىعى دەرلىك قانداستارىمىز. قازاقشالارى دا جاقسى. سوندا جاڭاعىداي ولقىلىقتاردى كورمەي مە، كورسە باسشىلارىنا شاعىمدارىن ايتپاي ما دەپ ويلانىپ كەلدىم».
جۋىردا شەتەلگە دەمالىپ كەلگەن ءبىر جولداسىمىز تەلەفون شالدى. قال-جاعدايدى سۇراسىپ بولعان سوڭ، «وسى «ەير استانا» كومپانياسى قاي ەلگە قارايتىن ەدى؟ قازاقستان رەسپۋبليكاسى ونىڭ نەگىزگى ۇلەسكەرى، اكتسيونەرى ەمەس پە ەدى؟»، - دەپ سۇراق قويدى. «يا، «سامرۇق-قازىناعا» كىرەتىن ۇلتتىق كومپانيانىڭ ءبىرى»، - دەدىم ساسقانىمنان. «جاي ما، تىنىشتىق پا؟»، - دەپ ەنتەلەي جونەلدىم. وقىرمانىمىزدىڭ اڭگىمەسى مىناۋ:
«ولاي بولسا ماسقارا ەكەن. سول اۋەكومپانيانىڭ ۇشاعىنا ءمىنىپ تۇركياعا باردىم. ۇشاققا جايعاسىپ، جۇكتەرىمىزدى جوعارعى سورەگە سالىپ، جايعاسىپ الدىق. قاسىمىزداعى ءۇشىنشى ورىنعا قازاقشاسى ءتاپ-ءتاۋىر تۇرىك جىگىت وتىردى. بىزدەرگە قاراپ: «مىنالارىڭ ۇيات ەكەن. ۇشاقتاعى قازاقشا جازۋدىڭ بارلىعى دەرلىك ءارىپ قاتەسىمەن جازىلعان ەكەن»، - دەپ مىرس-مىرس ەتتى. ايەلىمىز ەكەۋمىز جان-جاعىمىزعا قاراپ، قازاقشا اتاۋلاردى وقىپ، باراتىن جەرىمىزگە جەتكەنگە دەيىن جولداسىمىز ەكەۋىمىز ءۇن قاتپاي وتىردىق. تەك شىعاردا ۇيالى تەلەفونىمدى الىپ، الگى جازۋدىڭ بىرەۋىن سۋرەتكە تۇسىرە سالدىم. ءبىر قىزىعى ۇشاقتاعى قىزمەتكەرلەردىڭ بارلىعى دەرلىك قانداستارىمىز. قازاقشالارى دا جاقسى. سوندا جاڭاعىداي ولقىلىقتاردى كورمەي مە، كورسە باسشىلارىنا شاعىمدارىن ايتپاي ما دەپ ويلانىپ كەلدىم».
سول وقىرمانىمىزدىڭ سۋرەتىن پورتالعا سالعاندى ءجون كوردىك. وسى ماقالانى ۇلتتىق كومپانيانىڭ، ونى باسقاراتىن «سامرۇق-قازىنانىڭ» باسشىلارى مەن قىزمەتكەرلەرى كورەتىن شىعار دەپ سەنەمىز. ەڭ بولماسا وسىنداي بولماشى ماسەلەدە ۇلتىمىزدىڭ ابىرويىن توكپەي، قازاق ءتىلىنىڭ بەرەكەسىن كەتىرمەي، بارلىعىن دۇرىستاپ جازار دەپ ۇمىتتەنەمىز. كومپانيانىڭ ءارى كەتسە ەلۋ ۇشاعى بار بولار. سولارداعى قازاقشا جازۋلاردىڭ بارلىعىن قايتا جاساتتىرىپ، تۇزەيتىن بولار دەپ سەنەمىز.
سونىمەن قاتار، پورتال رەداكتسياسى جاڭا ايدار اشىپ، وقىرماندارىمىزدى مەملەكەتتىك ورگاندارداعى، كومپانيالارداعى، كوشەلەردەگى وسىنداي «ولقىلىقتاردى» سۋرەتكە ءتۇسىرىپ، پورتالدىڭ پوشتاسىنا سالىپ تۇرۋعا شاقىرادى. ولاردى سايتتاردا جاريالاپ، ءتيىستى قوعامدىق پىكىر تۋدىرىپ، تاريحي جانە تىلدىك ادىلەتتىلىكتى ورناتۋ ءۇشىن بىرگە كۇرەسەيىك، اعايىن!
«اباي-اقپارات»
