وبلىس اكىمىنىڭ قاتاڭ تاپسىرماسىمەن حالىق پەن بيلىك اراسىندا التىن كوپىر ورناتىپ ۇلگەرگەن «اشىق اكىمدىك» جوباسى اياسىندا شىمكەنت قالاسىندا بىرقاتار شارۋالار اتقارىلدى. قالا اكىمدىگىنىڭ رەسمي ۆەب سايتىندا «اشىق اكىمدىك» جوباسى اياسىندا قالا اكىمى مەن تۇرعىندارى اراسىندا بولعان سۇراق-جاۋاپتار جاريالاندى. بۇل تۋرالى «rgmedia.kz» سايتى حابارلايدى.

م.ۋماروۆ,ء ال-فارابي اۋداندىق ارداگەرلەر كەڭەسىنىڭ توراعاسى بىلاي دەپ سۇراق قويدى: – قالامىزدا 177 ۇلى وتان سوعىسىنىڭ ارداگەرلەرى مەن سوعىستا قايتىس بولعان جاۋىنگەرلەردىڭ جەسىرلەرى بار, ولار كۇن ساناپ ازايىپ بارادى. ولاردىڭ كوپقاباتتى ۇيلەردە تۇراتىن 119 ارداگەرلەرگە «3-ەنەرگوورتالىق» اق-ى ارقىلى جىلۋ جۇيەسىنە جەڭىلدىكتەر بەرىلىپ وتىر. ال, جەكە جەر ۇيلەردە تۇراتىن 58 ۇلى وتان سوعىسىنىڭ ارداگەرلەرىنە «قازترانسگازايماق» اق-ى ارقىلى تابيعي گازدىڭ تولەماقىسىنا جەڭىلدىك بەرىلۋىنە قولداۋ كورسەتسەڭىزدەر.

جاۋاپ: – قالا اكىمدىگىنىڭ نەگىزگى ماقساتى تاريفتى قالىپتاستىرۋ بارىسىندا بىرىڭعاي جۇيەگە كەلتىرۋ، ياعني ءتاريفتىڭ قالىپتاستىرۋداعى ماڭىزدى تالاپتاردى ەسكەرۋ. ءتاريفتى بەكىتۋ اكىمدىك قۇزىرىنا كىرمەيدى، ول ورتالىق اتقارۋشى ورگاندار قۇزىرىندا. بۇگىنگى تاڭدا ۇلى وتان سوعىسىنىڭ ارداگەرلەرىنە «قازترانسگازايماق» اق-ى وقوف-ى تابيعي گازدىڭ تاريفىندە تابيعي گازدىڭ باعاسىنا جەڭىلدىك بەرۋ قاراستىرىلماعان. «ۇلى وتان سوعىسىنداعى» جەڭىستىڭ 70 جىلدىعىن مەرەكەلەۋ قارساڭىندا شىمكەنت قالاسىنداعى «قازترانسگازايماق» اق-ى وقوف-ى سوعىس ارداگەرلەرىنە قۇرمەت كورسەتۋ جونىندەگى ءىس-شارالارعا بەلسەندى تۇردە قاتىستى. ارداگەرلەرگە اتاۋلى ماتەريالدىق كومەك، ازىق-تۇلىك سەبەتتەرى، سىيلىقتار بەرىلدى. بۇدان باسقا، «قازترانسگاز ايماق» اق-ى وقوف قىزمەتكەرلەرى گاز تۇتىنۋشى ارداگەرلەردىڭ دەربەس شوتتارىنا ءبىر كۇندىك جالاقىلارىن اۋداردى. وسىلايشا، بارلىق ارداگەرلەر شامامەن 700 م3 تابيعي گازعا اقى تولەۋدەن بوساتىلدى. ءسىزدىڭ ۇسىنىسىڭىز «قازترانسگازايماق» اق-ى باسشىلىعىنا جولداندى. ولار قول ۇشىن سوزۋعا دايىن ەكەندەرىن ايتتى. 

اباي اقپارات