مەملەكەت باسشىسى الەمنىڭ دامىعان 30 ەلدەردىڭ قاتارىنا كىرۋ ماقساتىندا بەس ينستيتۋتسيونالدىق رەفورمالاردى جۇزەگە اسىرۋ ءۇشىن «100 ناقتى» قادام ۇلت جوسپارىن بەلگىلەگەن بولاتىن. بۇل تۋرالى «rgmedia.kz» سايتى حابارلايدى.

وسى رەفورمانىڭ 94-ءشى قادامىنىڭ اياسىندا رەسپۋبليكا كولەمىندە «اشىق ۇكىمەت» جوباسى ەنگىزىلدى. اشىق ۇكىمەت مىناداي 5 كومپونەتتەن تۇرادى: اشىق دەرەكتەر، اشىق نقا (نورماتيۆتىك قۇقىقتىق اكتىلەر), اشىق ديالوگ، اشىق بيۋدجەتتەر جانە مەملەكەتتىك ورگاندار قىزمەتىنىڭ تيىمدىلىگىن باعالاۋ. بەس پورتالدىڭ ىشىنەن ءتورت پورتال قازىرگى كەزدە جۇمىس ىستەۋدە، ال مەملەكەتتىك ورگاندار قىزمەتىنىڭ تيىمدىلىگىن باعالاۋ پورتالى كەلەسى جىلدان باستاپ جۇمىسىن باستايدى.

ەلباسىنىڭ تاپسىرماسىنا وراي وقو-دا جۇزەگە اسىرىلىپ كەلە جاتقان "اشىق اكىمدىك" جوباسى اياسىندا تۇرعىندار باسشىلارعا ءوز ساۋالدارىن كوپتەپ جولداۋدا. سونداي ساۋالداردىڭ بىرىندە  قابانباي باتىر داڭعىلى، №13 ءۇيدىڭ ءتورايىمى ءلاززات لەسوۆا  №13 ءۇيدىڭ اۋلاسىنا تۇنگى جارىقشام جانە ءۇيدىڭ اۋلاسىنا بالالار ويىن الاڭشاسىن ورناتىپ بەرۋدى سۇرانىپتى. ءتورايىمنىڭ ءوتىنىشى بويىنشا جۇمىس جاساعان ماماندار اۋلاعا تۇنگى جارىقشام ورناتتى. ال  تۇرعىن ءۇي اۋلاسىنا بالالار ويىن الاڭشاسىن ورناتۋ ءۇشىن سمەتالىق قۇجاتتاما جاسالىنىپتى. تۇرعىننىڭ بۇل ءوتىنىشى دە جەردە قالمايتىن كورىنەدى. 

ماماندار ءاربىر ازامات "اشىق اكىمدىكتىڭ" قىزمەتىن پايدالانىپ، ءوز ساۋالدارىن اشىق جولداۋعا بولاتىنىن حابارلايدى.  

اباي اقپارات