وڭتۇستىك قازاقستان وبلىسىنان باستاۋ العان "اشىق اكىمدىك" جوباسىنىڭ ءتيىمدى ەكەنىن بيلىك وكىلدەرى دە قاراپايىم تۇرعىندار دا كوز جەتكىزىپ وتىر. بۇل تۋرالى «rgmedia.kz» سايتى حابارلايدى.

ەلباسى "100 ناقتى قادام" ۇلت جوسپارىڭ 94-ءشى قادامىندا اتاپ كورسەتكەندەي اقپاراتقا قولجەتىمدىلىكتى قامتاماسىز ەتۋ ءۇشىن ماماندار كۇن سايىن جاڭا مۇمكىندەرگە جول اشۋدا. حالىق پەن بيلىك وكىلدەرىنىڭ اراسىندا اشىق بايلانىس ورناتىپ وتىرعان ماماندار تۇرعىندارمەن الەۋمەتتىك جەلىلەر ارقىلى جاقىنداي تۇسۋدە. ماسەلەن "اشىق اكىمدىك" جوباسىن فەيسبۋك، ينستاگرامنان تابۋعا بولادى.

وسى الەۋمەتتىك جەلىلەر جانە دە اكىم، باسشىلاردىڭ بلوگىنا تۇرعىندار كوكەيدەگى ساۋالدارىن جولداۋعا مۇمكىندىك الىپ وتىر. كۇن سايىن ءتۇرلى ماسەلەلەرمەن حات جازىپ وىترعان ازماتتاردىڭ ۇسىنىس-تىلەكتەرىنە قۇلاق ءتۇرىپ كورەيىك.

ماسەلەن شىمكەنت قالاسى ساياجول كوشەسىنىڭ  تۇرعىنى بوكەەۆا ن.ب اتا-انالاردىڭ  اتىنان ءوتىنىش ءبىلدىرىپ، ماماندارعا العىسىن جەتكىزىپتى. "№9 كوركەم گيمناستيكا سپورت مەكتەبىنىڭ وقۋشىلارىنىڭ، اتا-انالارىنىڭ اتىنان كوركەم دە، ءزاۋلىم مەكتەبىمىز ءۇشىن راحمەت ايتقىم كەلەدى. ءبىز سىزدەرگە ريزامىز. ەندى، سول مەكتەپكە بارۋ ءۇشىن اۆتوبۋستار قاشان جۇرەر ەكەنىن بىلگىمىز كەلەدى؟" دەپسۇراعىن جولداعان ەكەن. ماماندار ازاماتشاعا  استانا داڭعىلىنداعى №9 كوركەم گيمناستيكا سپورت مەكتەبىنە دەيىن №78 اۆتوبۋس باعىتى قاتىناپ، جولاۋشىلارعا تاسىمالداۋ قىزمەتىن كورسەتىپ جاتقانىن جەتكىزگەن.