وقو اكىمدىگىنىڭ ءباسپاسوز قىزمەتى ەسەپ بەرۋگە مىندەتتى ۇكىمەتتى قالىپتاسرىۋ ماقساتىندا "اشىق اكىمدىك" جوباسى اياسىندا سايرام اۋدانىنىڭ اعىمداعى جىلدىڭ 9 ايىنداعى ەكونوميكالىق الەۋەتتىك دامۋىنىڭ كورسەتكىشتەرىن جاريالاپ وتىر. بۇل تۋرالى «rgmedia.kz» سايتى حابارلايدى.

 مالىمەت بويىنشا جىل سوڭىنا دەيىن اۋداندا حالىقتىڭ 80پايىزى گازبەن قامتىلماق.  مۇندا حالىقتىڭ دەنى شاعىن جانە ورتا بيزنەسپەن اينالىسادى. اۋداندا الەۋمەتتىك ماسەلەلەر مەن ينفراقۇرىلىم تارتۋ جۇمىستارى لايىقتى دەڭگەيدە جۇرگىزىلۋدە. وسى جانە وزگە دە ماسەلەلەر اۋدان اكىمىنىڭ جۋرناليستەرمەن وتكىزگەن ءباسپاسوز كەڭەسىندە ايتىلدى. سايرام اۋدانى نەگىزىنەن - اگرارلى اۋدان. ەجەلدەن اۋىل شارۋاشىلىعى ونىمدەرىن وڭدەۋمەن اينالىسادى. كەڭەس وداعى ىدىراعاندا دا ءتول كاسىپتەرىنەن اجىرامادى.

ەگىن ەگىپ، ونى قايتا وندەدى. ءسۇت وڭدەۋ جىلىنا 160 مىڭ تونناعا جەتتى. مال ءوسىرىپ، بورداقىلادى. ەت ەكسپورتىنىڭ جىلدىق كولەمى - 21 مىڭ توننا. وزدەرى تۇتىناتىن قاجەتتىسىنەن بولەك، وزگە ايماقتارعا اپارىپ ساتادى. ەندىگى مەجە - وسى ەتتى بۇقتىرىپ، وڭدەپ كونسەرۆى ونىمدەرىن شىعارۋ. سايرامدا اۋىز سۋ ماسەلەسى ايتارلىقتاي شەشىلگەن.  جالپى، كوممۋنالدىق ماسەلەلەر 2020 جىلى تۇبەگەيلى شەشىمىن تابۋى كەرەك،-دەيدى اۋدان اكىمى. 

سايرامدا 3 اۋىسىمداعى مەكتەپ ماسەلەسى دە جۋىق ارادا جويىلادى. بالاباقشا جاسىنداعى بۇلدىرشىندەر مەملەكەت پەن جەكەمەنشىك ارىپتەستىك ناتيجەسىندە مەكتەپكە دەيىنگى تاربيە بەرۋ مەكەمەلەرىمەن قامتىلعان.  اۋدان اكىمدىگىنىڭ ەندىگى جوسپارى - اۋىل شارۋاشىلىعى ونىمدەرىن قايتا وڭدەۋ سالاسىن بۇدان دا جوعارى دەڭگەيگە شىعارۋ. 

اباي اقپارات