وڭتۇستىك قازاقستان وبلىسىنىڭ ورتالىعى شىمكەنتتە  قالاداعى ەڭ ءىرى  ساۋدا جانە ويىن-ساۋىق ورتالىعى بولىپ تابىلاتىن «ShymkentPlaza» كەشەنىنىڭ اشىلۋ سالتاناتى ءوتتى. زاماناۋي ۇلگىدە بوي كوتەرگەن كەشەننىڭ  اشىلۋ رəسىمىنە وبلىس اكىمى جانسەيىت تۇيمەباەۆ پەن ەلىمىزگە تانىمال بىرقاتار ازاماتتار جəنە ءوڭىرىمىزدىڭ كəسىپكەرلەرى قاتىستى.

شىمكەنتتىكتەردىڭ قۋانىشىمەن بولىسە كەلگەن ءوڭىر باسشىسى ج.تۇيمەباەۆ بارشا تۇرعىنداردى تəۋەلسىزدىكتىڭ 25 جىلدىق مەرەي تويىمەن قۇتتىقتادى.

«بۇل ورتالىقتىڭ اشىلۋى ەل تاۋەلسىزدىگىنىڭ 25 جىلدىق مەرەكەسى قارساڭىندا ۇلكەن وقيعاعا بالانىپ وتىر. مۇنى وڭتۇستىك قازاقستان وبلىسىنىڭ تۇرعىندارى ءۇشىن جەرلەسىمىز كاسىپكەر سەرىك ءتولباسوۆ مىرزانىڭ كەرەمەت سىيى دەپ ايتۋعا بولادى. وسىنداي عيماراتتار كوپ بولا بەرسە، قالامىزدىڭ ءسانى كىرىپ، ارلەنە تۇسەدى. حالقىمىزدىڭ دەمالاتىن ورنى مولايا بەرەدى. بۇل دا بولسا ەلباسىمىزدىڭ كاسىپكەرلىككە جاساعان قامقورلىعىنىڭ ارقاسىندا ىسكە اسىپ وتىرعان دۇنيە»، - دەدى وبلىس اكىمى جانسەيىت قانسەيىتۇلى.

اتالعان  ورتالىقتىڭ قۇرىلىسىنا  جەكە ينۆەستيتسيا جۇمسالعان.  حالىقارالىق دەڭگەيدەگى ەرەكشە ورتالىقتا 500-گە جۋىق جاڭا جۇمىس ورنى اشىلىپ وتىر.  

جالپى اۋماعى 48 مىڭ 400 شارشى مەتردى قۇرايتىن ساۋدا ويىن-ساۋىق ورتالىعى شىمكەنت قالاسىنداعى ەڭ ءىرى ساۋدا ورتالىقتارىنىڭ بىرىنە اينالىپ وتىر. جوبانىڭ قۇرىلىسى الەمدىك دەڭگەيدەگى ءىرى ساۋدا ورتالىقتارىنىڭ جوبالىق اۆتورلارى بولعان ايگىلى ۇلىبريتانيالىق – Benoy ارحيتەكتۋرالىق كومپانياسىنىڭ ازىرلەۋىمەن ىسكە اسىرىلعانىن دا ايتا كەتكەن ءجون. 

ەندى مۇندا «Chopette»، «Orchestra»،  «New Yorker»،   «Lichi» سىندى الەمدىك برەندتەردىڭ ونىمدەرى ساۋدالانادى. سونداي-اق ورتالىققا كەلۋشىلەر  ايگىلى «KFC» جانە «Hardees» تاماق وندىرۋشىلەرىنىڭ ونىمدەرىن تۇتىناتىن بولادى.

Abai.kz