ەلباسىنىڭ «100 ناقتى قادام» ۇلت جوسپارىندا بەلگىلەنگەن تاپسىرماسىنا سايكەس وڭتۇستىكتەن باستاما العان «اشىق اكىمدىك» جوباسى اياسىندا بۇگىندە بىرقاتار قۇجاتتاردى الۋ جەڭىلدەي تۇسكەنى انىق. بۇل تۋرالى «rgmedia.kz» سايتى حابارلايدى.

وڭتايلاندىرىلعان قۇجاتتاردىڭ كوبىسى حالىققا قىزمەت كورسەتۋ ورتالىقتارىندا راسىمدەلەتىنىن بەلگىلى. وسى ورايدا شىمكەنتتە پيلوتتىق جوبا رەتىندە تامىز ايىندا  مامانداندىرىلعان حالىققا قىزمەت كورسەتۋ ورتالىعىنىڭ اشىلعانى بارشاعا ايان. قازىرگى تاڭدا حالىققا ساپالى قىزمەت كەورسەتىپ كەلە جاتقان ورتالىقتا جۇمىس قىزا تۇسكەن.

مۇندا 26 وپەراتور قىزمەت كورسەتەدى تۇرعىندار ەندى ءار مەكەمەنىڭ تابالدىرىعىن توزدىرماي  كولىك راسىمدەۋ،  جۇرگىزۋشى كۋالىگىن الۋ، ناركولوگيالىق ديسپانسەردەن باستاپ ءتۇرلى انىقتامالاردى وسى جەردەن الۋدا. مۇندا ءتىپتى  ەمتيحان تاپسىرۋعا دا بولادى. ياعني ەمتيحاندى تاپسىرعان بويدا كولىكتى ايداۋدىڭ قىر-سىرىن وسىنداعى ارنايى ماكەت ارقىلى، سوسىن مامانداندىرىلعان ورتالىقتىڭ اۋماعىندا ورنالاسقان اۆتودرومدا تاجىريبە جيناقتايدى.

كولىك سالىعى مەن ايىپپۇلدى دا وسىندا تولەۋگە بولادى. دوستىق شاعىناۋدانىندا ورنالاسقان مامانداندىرىلعان حالىققا قىزمەت كورسەتۋ ورتالىعىنىڭ قىزمەت كورسەتە باستاعانىنا ەكى اي بولسا دا قىسقا مەرزىمدە بيۋدجەتكە قوماقتى قارجى ءتۇسىرىپتى.  وسىنداي ورتالىقتىڭ جۇيەلى جۇمىسىنىڭ ناتيجەسىندە  قوعامداعى جەڭ ۇشىنا جالعاسقان  سىبايلاس جەمقورلىق پەن پاراقورلىققا توسقاۋىل قويىلىپ جاتقاندىعى قۋانتادى.