ەلباسى نۇرسۇلتان نازارباەۆ قازاقستانداعى ينفراقۇرىلىم، مەملەكەتتىك قۇرىلىمدار، يندۋستريالدى ايماقتاردى دامىتۋعا كوپ كوڭىل بولەدى. بۇل تۋرالى «rgmedia.kz» سايتى حابارلايدى.

ەل ەكونوميكاسىن كوتەرىپ، حالىقتىڭ ءال-اۋقاتى ارتقانىن قالايدى. حالىقتىڭ نەگىزگى بولىگى – اۋىلدى جەرلەردە شوعارلانعان. قالاعا كوشىپ كەلۋشىلەر قاتارى كوبەيىپ كەلەدى. سونىمەن قاتار، قالادان اۋىلعا كوشىپ بارۋشىلار دا جىلدان-ىجلعا كوبەيىپ بارادى. سەبەبى، اۋىلدى جەرلەردە ينفراقۇرىلىم جۇيەلەرىن دامىپ، جالاقى كوتەرىلىپ كەلەدى. مىسالى، «ديپلوممەن اۋىلعا» باعدارلاماسى ارقىلى اۋىلدى جەردە جۇمىس ىستەپ جۇرگەندەر كوپ. سونىمەن قاتار، وڭتۇستىكتەن سولتۇستىككە كوشىپ بارعان وتباسىلار دا از ەمەس. ارينە، مۇنىڭ بارى اۋىلدى جەرلەردى دامىتۋ ءۇشىن جاسالعان شارۋالار.

جاقىندا وڭتۇستىك قازاقستان وبلىسىندا «اشىق اكىمدىك» جوباسى اياسىندا «Smart Ontustik» باعدارلاماسى جۇزەگە استى. بۇل باعدارلاماسى ءالى دە تولىقتاي ىسكە قوسىلعان جوق. ايتسە دە، الداعى ۋاقىتتا اتقارار جۇمىستارىمەن ءبولىستى. وسىدان بىرەر اي بۇرىن وبلىستىق ءبىلىم باسقارماسى مەن شىمكەنت قالالىق ءبىلىم ءبولىمىنىڭ ماماندارى بريفينگ وتكىزگەن بولاتىن. سوندا قالالىق ءبىلىم ءبولىمىنىڭ باسشىسى جانات تاجيەۆا:

«الداعى ۋاقىتتا وقۋشىلارعا مەكتەپكە سمارتفون ۇستاپ اكەلۋگە تيىم سالىنادى. مەكتەپ ديرەكتورلارى «اشىق اكىمدىك» جوباسى اياسىندا ارنايى كونكۋرسپەن تاعايىندالادى. مەكتەپ ديرەكتورلارى جۇمىسقا العان مۇعالىمدەر جونىندە، ولارعا قانشا ساعات بەرىلگەنى جونىندە ەسەپ بەرەدى. ءتىپتى، مەكتەپكە مۇعالىمدەردى «اشىق اكىمدىك» جوباسى اياسىندا قۇرىلعان كوميسسيا مۇشەلەرى قابىلداۋى دا مۇمكىن. بۇل جونىندە حالىققا ەسەپ بەرىلەدى. وبلىس اكىمىنىڭ باستاماسىمەن «اشىق اكىمدىك» اياسىندا «Smart Ontustik» باعدارلاماسى ىسكە اسۋدا. بۇل باعدارلاما تولىقتاي ىسكە قوسىلعان ساتتەن باستاپ، كادر قۇرامى دا باقىلاۋدا بولادى. مەكتەپ ديرەكتورلارى ءتۇرلi سىلتاۋمەن ادامداردى توپىرلاتىپ جۇمىسقا قابىلداۋ مۇمكiندiگiنەن ايىرىلادى. ەگەر كەز-كەلگەن ادام زاڭسىزدىقتى بايقاسا، وندا سەنىم تەلەفونى، سەنىم جاشىگى، ونلاين كونفەرەنتسيالار ارقىلى بىزگە شاعىمدانا الادى. مۇنىڭ ءبارى پاراقورلىقتىڭ الدىن-الۋعا باعىتتالعان»، - دەگەن بولاتىن.

وسىلايشا، ەلباسى تاپسىرماسىمەن ەلىمىزدە زاڭسىزدىقتارعا قارسى شارالار كۇشەيدى. 

اباي اقپارات