سوڭعى كەزدەرى وڭتۇستىك قازاقستان وبلىسىندا جىلىجايلار كۇرت كوبەيىپ كەلەدى. بۇرىندارى ىشكى نارىقتى كوكونىس ونىمدەرىمەن تولىعىمەن قامتاماسىز ەتۋ پروبلەماسى كورشى ەلدەردەن تاسىمالداۋ ارقىلى شەشىلىپ جۇرسە، ەندى وزگەگە جالتاقتاماي، قولدان كەلەتىن ىسكە ءوزىمىز-اق بىلەك ءتۇرىپ كىرىسە باستادىق. سوندىقتان جىلىجاي ونىمدەرى دە سوڭعى جىلدارى وڭتۇستىكتىڭ عانا ەمەس، ەلىمىزدىڭ كوپتەگەن بازار سورەلەرىندە كوبەيىپ كەلەدى.

ورداباسى اۋدانى جىل وتكەن سايىن جىلىجاي وسىرۋگە ىڭعايلى اۋدان ەكەنىن دالەدەپ كەلەدى. اۋماعى ەداۋىر گەكتار جەردى الاتىن، وسىرىلگەن ونىمدەرى قايتادان وڭدەلمەيتىن، كوكونىستەردى جاڭا پىسكەن كۇيىندە قولدانۋدى قامتاماسىز ەتەتىن جاڭا، وزىق تەحنولوگيالى جىلىجاي كەشەندەرى تۋرالى ايتار بولساق، بۇل ەڭ الدىمەن سوڭعى ۋاقىتتا جاپپاي قولعا الىنىپ، مەملەكەتتىڭ قولداۋىنداعى ماقساتتى باعدارلامالار اياسىندا ىسكە قوسىلىپ جاتقان جوبالارعا قاتىستى. ولاردى تۇرعىزۋداعى باستى ماقسات – حالىقتى جاڭا پىسكەن ساپالى ونىممەن قامتاماسىز ەتۋ، نارىقتاعى باعانى ءتۇسىرۋ، سونداي-اق، ماۋسىمارالىق كەزەڭدە كوكونىستەردىڭ باعاسىن تۇراقتاندىرۋ بولىپ تابىلادى. 

وسى ورايدا وڭتۇستىك قازاقستان وبلىسى جىلىجاي شارۋاشىلىقتارىن دامىتۋ بويىنشا ەلىمىزدە كوش باستايدى. جىلىجاي وندىرىسىنە ۇلەس قوسىپ وتىرعان شارۋالار ورداباسى اۋدانىندا دا كوبەيىپ كەلەدى. سولاردىڭ ءبىرى ورداباسى اۋدانىنا قاراستى شۇبارسۋ اۋىل وكرۋگى بويىنشا جەكە كاسىپكەر جاۋتيكوۆا مانشۇك جىلى جايدا كوكونىس وندىرۋدەن ۇزدىك كورسەتكىشكە جەتىپ كەلەدى. ءتىپتى جاقىندا وسى ەڭبەگى ءۇشىن وبلىستىق اۋىل شارۋاشىلىعى باسقارماسىنىڭ العىس حاتىمەن ماراپاتتالدى. جىلىجايلار سانىن ارتتىرىپ قانا قويماي، ونىمدەردىڭ ءتۇر ءتۇسىن كوبەيتۋ دە شارۋانىڭ باستى ماقساتتارىنىڭ ءبىرى بولىپ وتىر.

Abai.kz