قازاقستانداعى ەڭ ءىرى مەگاپوليس – الماتى قالاسى تابيعي رەسۋرستارعا، جەراستى بايلىقتارىنا (مۇناي-گاز سەكتورىنا) يەك ارتپاعاندا، ىشكى ەكونوميكاسى يننوۆاتسيا، شاعىن جانە ورتا بيزنەس پەن ىشكى جانە سىرتقى تۋريزمگە تۇزىلگەن بىردەن-ءبىر قالا.

كەشەلى بەرى الماتى قالاسىندا ءوتىپ جاتقان «Almaty Invest 2016» حالىقارالىق ەكونوميكالىق فورۋمىنا قاتىسۋشى 500-گە تارتى ەكونوميست ساراپشىلار وسىنداي پىكىردە.

مەملەكەت باسشىسىنىڭ تىكەلەي تاپسىرماسىمەن الماتىعا ينۆەستيتسيا كوپتەپ تارتىلۋدا. وسىعان سايكەس، ارنايى «الماتى-2020» دامۋ باعدارلاماسىن جاسالىپ، الەۋمەتتىك باعدارلامالاردى جۇزەگە اسىرىلىپ وتىر.

اتالعان حالىقارالىق ەكونوميكالىق فورۋمعا كەلگەن شەتەلدىك ساراپشىلار الماتى قالاسىنىڭ ءجىو كورسەتكىشى ەل بيۋدجەتىنىڭ 20 پايىزىن قۇرايتىنىن ايتادى. بۇل رەسپۋبليكالىق ءجىو-ءنىڭ ¼ قۇرايدى دەگەن ءسوز. سونداي-اق، الماتى ورتالىق ازياداعى ينۆەستيتسيالىق ورتالىققا اينالۋعا قاۋقارلى. ونىڭ جىلدىق بيۋدجەتى قىرعىزستان، تاجىكستان مەن گرۋزيا سەكىلدى ەلدەردىڭ جالپى ەكونوميكالىق وسىمىنەن بىرنەشە ەسەگە جوعارى.

«Almaty Invest 2016» حالىقارالىق ەكونوميكالىق فورۋمى الماتىنىڭ ينۆەستيتسيالىق مۇمكىندىكتەرىن كورسەتەتىن، مەگاپوليستىڭ ەكونوميكالىق الەۋەتىنە تىكەلەي اسەر ەتەتىن جيىن. كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باستاماسىمەن مەگاپوليستىڭ ءار اۋدانىندا، «Almaty Invest 2016»  فورۋمى قارساڭىندا ينۆەستيتسيالىق فورۋمدار وتكىزىلدى. سونىڭ ءبىرى الاتاۋ اۋدانىندا «ALATAY ءىNVEST» فورۋمى.

الماتىنىڭ ستراتەگيالىق دامۋ اۋدانى بولىپ سانالاتىن الاتاۋ اۋدانىندا «يندۋستريالدىق ايماق» ورنالاسقان.

الاتاۋ اۋدانىنىڭ اكىمى باعدات ءمانىزوروۆ اشىپ بەرگەن ينۆەستفورۋمعا الماتى قالاسى كاسىپكەرلىك جانە يندۋستريالدى-يننوۆاتسيالىق دامۋ باسقارماسى باسشىسىنىڭ ورىنباسارى ە.سالداروۆ، «يندۋستريالدىق ايماق» جشس باس ديرەكتورى ءا.بورلىباەۆ، كاسىپكەر-ينۆەستورلار قاتىسقان.

اۋدان اكىمى ب.ءمانىزوروۆ الاتاۋ اۋدانىنىڭ مەگاپوليس ەكونوميكاسىنىڭ دامۋىنداعى ورنىنا توقتالىپ، ينۆەستور-كاسىپكەرلەردى شاھار ەكونوميكاسىنا ينۆەستيتسيا قۇيۋعا شاقىردى.

«يندۋستريالدىق ايماق» جشس باس ديرەكتورى ءادىل بورلىباەۆ الاتاۋ اۋدانىندا ورنالاسقان الماتى يندۋستريالدى ايماعىنىڭ تولىق جۇمىس ىستەۋگە 98 پايىز دايىن ەكەنىن باياندادى. شەتەلدىك جانە قازاقستاندىق ينۆەستورلار الماتى يندۋستريالدىق ايماعىندا ءوز ءوندىرىسىن ورنالاستىرۋعا قىزىعۋشىلىق تانىتۋدا. بۇگىنگى تاڭدا يندۋستريالدىق ايماقتا 170 ملرد. تەڭگەگە 33 جوبا ەنگىزىلىپ، 5 مىڭداي جۇمىس ورنى اشىلعان. قازىرگى ۋاقىتتا 13 جوبا جۇزەگە اسىرىلۋدا.

ايماقتاعى ەڭ ۇلكەن جوبالاردىڭ ءبىرى – كوكونىس-جەمىس ءوسىرۋ جىلىجاي كەشەنىن، «BRBAPK» جشس ىسكە اسىرىپ وتىر. يندۋستريالدىق ايماقتاعى جۇزەگە اسىپ جاتقان وزگە جوبالاردىڭ ءبىرى – قاعاز قاپشىقتار شىعاراتىن «Almapack Co.LTD» جشس.

جالپى، يندۋستريالدىق ايماقتاعى ءوندىرىس-جوبالاردىڭ نەگىزگى باعىتى – يمپورت الماستىرۋ. الماتىدا قولعا الىنعان ماسەلەنىڭ تاعى بىرەۋى – شاھارداعى وندىرىستىك ورىنداردى قالا سىرتىنا، يندۋستريالدى ايماققا كوشىرۋ.

«ALATAY ءىNVEST» فورۋمىندا وسىناۋ ماسەلەلەرگە انىقتاما بەرىلىپ، الاتاۋ اۋدانىنىڭ يندۋستريالدى-ەكونوميكالىق احۋالى مەن مۇمكىندىكتەرى ايتىلدى.

الاتاۋ اۋدانىندا 2016 جىلدىڭ 9 ايىندا وندىرىستىك ءونىم ءوندىرۋ 47,8 ملرد. بولدى. اۋداندا ساۋدا سالاسى دا دامىپ وتىر. بۇگىندە الاتاۋ اۋدانىندا 280 ساۋدا ورىندارى بار، ونىڭ 11-ءى – بازار، 8-ءى – كەشەندى  ساۋدا ورتالىقتارى.

2016 جىلى «اقبۇلاق» ساۋدا ورتالىعى پايدالانۋعا بەرىلدى. اۋداننىڭ كوتەرمە ساۋدا اينالىمى 342,2 ملرد. تەڭگە. قورىتا ايتقاندا، الماتى يندۋستريالدىق ايماعى ورنالاسقان، مەگاپوليستىڭ ستراتەگيالىق دامۋ ايماعى – الاتاۋ اۋدانى شەتەلدىك جانە قازاقستاندىق ينۆەستور­لاردىڭ قىزىعۋشىلىعىن تۋدىرىپ وتىر.

قر ينۆەستيتسيالار جانە دامۋ ۆيتسە-ءمينيسترى ەرلان قايىروۆ «Almaty ءىnvest-2016» فورۋمىندا ينۆەستورلارعا قازاقستانعا ينۆەستيتسيا سالۋدىڭ ارتىقشىلىقتارىن ايتىپ بەردى.

«بىزدە بيىلعى جىلدىڭ باسىنان باستاپ، ەلىمىزدىڭ بارلىق وڭىرىندە ينۆەستورلار ءۇشىن ء«بىر تەرەزە» قاعيداتى جۇمىس جاسايدى. جىل باسىنان بەرى 4000 مەملەكەتتىك قىزمەت كورسەتىلدى، ونىڭ ىشىندە ۆيزا الۋدان باستاپ، جۇمىس كۇشىن اكەلۋ، جەر ۋچاسكەلەرىن الۋ قىزمەتتەرى بار»، - دەدى ەرلان قايىروۆ.

سونىمەن قاتار، ۆيتسە-مينيستر ەلىمىزدە ينۆەستيتسيلىق ومبۋدسمەن بار ەكەنىن دە اتاپ ءوتتى. بۇل سالادا ينۆەستورلاردىڭ پايداسى ءۇشىن سوتقا دەيىن 60 ماسەلە شەشىلگەن. 

«ەگەر ءسىز قازاقستان ءۇشىن جاڭا تاۋار شىعاراتىن بولساڭىز، ول تاۋار ەكسپورتقا باعىتتالسا وندا ۇكىمەت قۇرىلىس-مونتاج جۇمىستارى جانە ءسىزدىڭ قۇرىلعى باعاسىنا قاتىستى شىعىننىڭ 30 پايىزىن وتەۋگە دايىن. ءبىز شەتەلدىك جۇمىس كۇشىن قۇرىلىس جۇمىستارى بارىسىندا قازاقستانعا كىرگىزۋگە جانە قۇرىلعىنى ىسكە قوسقاننان كەيىن دە ءبىر جىلعا كىرگىزۋگە رۇقسات بەرەمىز»، - دەدى ۆيتسە-مينيستر.

ە.قايىروۆ 11 جىلدا قازاقستان 230 ملرد دوللار تىكەلەي شەتەل ينۆەستيتسياسىن تارتقانىن ايتتى، مۇنداعى نەگىزگى ينۆەستيتسيا مۇناي-گاز سەكتورىنا سالىنعان. بىراق، يندۋستريالاندىرۋ باعدارلاماسىنا سايكەس، قازىرگى شەتەل ينۆەستيتسياسى وڭدەۋ سەكتورىنا سالىنىپ جاتىر.

Abai.kz