سوڭعى جىلدارى باۋ باقشا وسىرۋگە دەن قويا باستاعان شاردارا اۋدانىنىڭ ديحاندارىنىڭ كوڭىلدەرى توق. شاردارا اۋدانى بويىنشا بيىلعى جىلى 59335 گەكتار جەرگە اۋىلشارۋاشىلىعى داقىلدارى ەگىلدى. سونىڭ ىشىندە 10 836,4 گەكتار القاپقا باۋ-باقشا داقىلدارى ورنالاستىرىلدى. اسىرەسە، كۇننىڭ كوزى جىلىنىسىمەن ەگىستىك القاپقا شىعىپ كەتكەن ديقاندار قاۋىمى قاۋىن-قاربىز سەكىلدى ەرتە پىسەتىن ونىمدەرىن ەرتە پۇلداپ ۇلگەردى.

اۋداندىق اۋىلشارۋاشىلىعى جانە جەر قاتىناستارى ءبولىمىنىڭ مالىمەتىنە سايكەس، بۇگىنگى تاڭعا دەيىن شاردارالىق شارۋالاردىڭ 3338 گەكتار ەگىس القابىنان 83450 توننا قاۋىن-قاربىز ساتىلىمعا شىعارىلعان. مۇنىڭ ىشىندە 50 000 تونناسى رەسەي مەملەكەتىنە جىبەرىلسە، قالعانى ءوزىمىزدىڭ سولتۇستىك وبلىستارعا جونەلتىلگەن. ايتا كەتەر جايت بۇل وڭىرلەردىڭ شاردارانىڭ باۋ باقشا ونىمدەرىنە سۇرانىسى جوعارى.

مامانداردىڭ ەسەبى بويىنشا گەكتارىنان ورتاشا 250 تسەنتنەردەن ءونىم العان اۋدان ديقاندارىنىڭ كوڭىلدەرى توق دەپ ايتۋعا بولادى. باۋ-باقشا ونىمدەرىنىڭ باسىم بولىگى ەندى ءپىسىپ جاتقانىن ەسكەرسەك، بۇل كورسەتكىش كۇن سايىن ارتا تۇسەتىنى بەلگىلى. قازىردىڭ وزىندە مول ءونىم ديقانداردى تابىسقا كەنەلتىپ جاتىر.

شاردارا اۋدانى ەكونوميكاسىنىڭ نەگىزىن اۋىل شارۋاشىلىعى قۇرايدى. 65 مىڭ گەكتار سۋارمالى جەردە ماقتا، كوكونىس، جەمىس جانە باقشا مادەنيەتى ءوسىرىلىپ كەلەدى. حالىقتىڭ كوپ بولىگى قازاقستان قاربىزدارىنىڭ وتانى شاردارا دەپ بىلەدى. اۋدان بويىنشا اۋىلشارۋاشىلىعىنىڭ ءونىمىنىڭ 54% ماقتا شارۋاشىلىعى قۇرايدى. سونداي-اق، اۋداندا مال شارۋاشىلىعى مەن بالىق شارۋاشىلىعى دا دامىعان. شاردارالىق ديحاندار كەلەر جىلى باۋ باقشا ونىمدەرىنىڭع كولەمىن تاعى دا ارتا ءتۇسىرۋدى ويلاستىرىپ وتىر.

Abai.kz