بيىل وڭتۇستىك قازاقستان وبلىسى مول ءونىم الىپ، جىلدى تابىستى اياقتاسا، وعان وسى وڭىردەگى ءاربىر اۋداننىڭ ءوز ۇلەسى بار. ويتكەنى وڭتۇستىك قازاقستان وبلىسىنىڭ ءاربىر اۋدانى جەردى بوس جاتقىزباي، ءتيىمدى يگەرىپ، مول ءونىم الۋعا تىرىسىپ، ءتىپتى اۋداندار ءوزارا جارىسقا ءتۇسىپ وتىر دەۋگە بولادى.

بۇل تۋرالى جاقىندا وقو ايماقتىق كوممۋنيكاتسيالار قىزمەتىندە وتكەن ءباسپاسوز جيىنىندا تۇلكىباس اۋدانىنىڭ اكىمى اۋەلحان تۇرعىمبەكوۆ مىرزا دا مالىمدەمە جاسادى. وڭتۇستىك قازاقستان وبلىسى اكىمدىگىنىڭ ءباسپاسوز قىزمەتىنىڭ تاراتقان مالىمەتىنە سۇيەنسەك، تۇلكىباس اۋدانىندا 1991-2016 جىلدارى الەۋمەتتىك ماسەلەلەر وڭ شەشىمىن تاۋىپ، اۋداندا كاسىپكەرلىك سالاسى جىلدان-جىلعا وركەندەپ كەلەدى. وسىناۋ 25 جىلدىڭ ىشىندە تۇلكىباس اۋدانى كول-كوسىر تابىسقا جەتكەن. ماسەلەن، مەملەكەت تاراپىنان بەرىلىپ وتىرعان باعدارلامالار ارقىلى اۋداندا 1026 جوبا قارجىلاندىرىلىپ، بەلسەندى جەكە كاسىپكەرلەر سانى 2961 بىرلىكتى قۇراعان.

«تۇلكىباس اۋدانى تابيعاتى تاماشا تۋريستىك ايماققا جاتاتىندىقتان اۋدانعا ينۆەستيتسيا تارتۋ ماسەلەسىندە جوبانىڭ تۇلكىباستىڭ كليماتىن بۇزبايتىنداي قاۋىپسىز بولۋىن قاتاڭ قاداعالايمىز. ياعني، ءبىزدىڭ اۋداندا ورنالاسىپ، جۇمىسىن باستايتىن ونەركاسىپ ورىندارى اۋىل شارۋاشىلىعى ونىمدەرىن قايتا وڭدەۋ، تەرەڭ وڭدەۋ، مال بورداقىلاۋ، ەتتى وڭدەۋ سىندى زيانسىز كاسىپ تۇرلەرىمەن اينالىساتىن بولادى»، - دەدى ءوز سوزىندە اۋدان اكىمى اۋەلحان تۇرعىمبەكوۆ. مۇنان بولەك تابيعاتى تاماشا ءوڭىردىڭ، قۇنارلى جەرىن پايدالانۋعا دا بارىنشا كوڭىل ءبولىنىپ كەلەدى. 

مۇنان بولەك، اۋداننىڭ جالپى وڭىرلىك ءونىمى 2016 جىلى 54 ملرد. تەڭگە بولىپ، 7,3 ەسەگە ءوسىپ، جان باسىنا شاققاندا 487,4 مىڭ. تەڭگەگە جەتكەن. 

Abai.kz