جالپى ەلىمىزدىڭ وڭتۇستىك اۋداندارىنان نەگىزىنەن ەكسپورتقا كارتوپ، كوكونىس، باقشا، بيداي، ۇن، بالىق مايى، قۇس ەتى جانە ماقتا تالشىقتارى شىعارىلادى. ەلىمىزدىڭ كۇنگەيىندەگى الدىڭعى قاتارلى اۋدان قازىعۇرت باۋ-باقشاعا باي ولكە. ال قازىعۇرتتىق شارۋالار باپتاعان بالعىن جۇزىمدەر قازىرگى تاڭدا شىمكەنتتەن بولەك، الماتى، استانا جانە اقتوبەدەگى ساۋدا ورىندارىندا ساتىلۋدا.

بىرنەشە جىلدان بەرى تامشىلاتىپ سۋعارۋ ءادىسى ارقىلى ءوسىرىلىپ جاتقان 7-8 ءتۇرلى جۇزىمنەن جىل سوڭىنا دەيىن 2 مىڭ توننا ءونىم الىنىپ، وتكەن جىلمەن سالىستىرعاندا 20-30 پايىزعا كوپ ءجۇزىم الىندى. جاقسى ءونىم الۋ ءۇشىن ەرتە كوكتەمنەن باستاپ الا جازداي ەڭبەكتەندى، العاشقى ءونىمدى جازدىڭ ورتاسىندا الا باستاعان باعباندار ونىمدەرىن ەللىمىزدىڭ وزگە وڭىرلەرىنە جانە كورشى مەملەكەتتەرگە جونەلتىپ وتىردى. قازىعۇرت اۋدانىنداعى ءۇزدىڭ شارۋاشىلىقتاردىڭ ءبىرى ەراليەۆ ەلدى مەكەنىندەگى باۋ شارۋاشىلىعىمەن اينالىساتىن «ابوتيا» جشس. مۇندا 12 گەكتار جەرگە ءجۇزىمنىڭ ءۇش ءتۇرى، ال 8 گەكتارعا المانىڭ ەكى ءتۇرى ەگىلگەن. شارۋا باۋدان 35-40 توننا ءونىم جيناۋدى جوسپارلاعان بولاتىن، جىل سوڭىندا ولار وزدەرى قويعان مەجەگە جەتتى.

ەگيپەتتىكتەر ءجۇزىم ءوسىرۋدى ب.ز.د 4000 جىل بۇرىن باستاعان ەكەن، ءجۇزىم باعى ولاردان فيندىكتەرگە جەتكىزىلىپ، كەيىننەن ريمدىكتەرگە تاراعان. عىلىمي دەرەكتەردە ريمدىكتەردىڭ ءوز زامانىندا ءجۇزىمنىڭ 100-گە جۋىق ءتۇرىن وسىرگەندىكتەرى تۋرالى دا از ايتىلمايدى. قازىرگى تاڭدا ءجۇزىم ەڭ كوپ وسىرىلەتىن ايماق – كىشى ازيا. ءجۇزىمنىڭ شامامەن ون مىڭداي ءتۇرى كەزدەسەدى. ال ءبىزدىڭ ەلىمىزدە ءجۇزىمنىڭ ونداعان تۇرلەرى وڭتۇستىك قازاقستاندا وسىرىلەدى. جەرگىلىكتى ءجۇزىمنىڭ دەنساۋلىققا پايداسى زور دەيدى ماماندار.

Abai.kz