بيىلعى جىلعى ادەبيەت پەن ونەر سالاسى بويىنشا مەملەكەتتىك سىيلىق لاۋرەاتتارى انىقتالدى. بۇل تۋرالى اقوردانىڭ ءباسپاسوز قىزمەتى حابارلادى.

2016 جىلعى مەملەكەتتىك سىيلىق يەگەرلەرىنىڭ ساپىندا ۆيتسە-پرەمەر يمانعالي تاسماعامبەتوۆ تە بار ەكەن.

ەلباسىنىڭ ءوزى بەكىتكەن تىزىمدە پرەمەر-ءمينيستردىڭ ورىنباسارى يمانعالي نۇرعاليۇلىنىڭ ەسىمى نەگە ءجۇر دەيتىن بولارسىز. يمانعالي تاسماعامبەتوۆ «ماڭگىلىك ەل» مونۋمەنتى اۆتورلارىنىڭ ءبىرى. بيىل مەملەكەتتىك سىيلىق تاعايىندالدى.

«قازاقستان رەسپۋبليكاسىنىڭ 2016 جىلعى ادەبيەت پەن ونەر سالاسىنداعى مەملەكەتتىك سىيلىعىن بەرۋ تۋرالى» قاۋلىسى پرەزيدەنتتىڭ سايتىندا جاريالاندى.

«قازاقستان رەسپۋبليكاسىنىڭ 2016 جىلعى ادەبيەت پەن ونەر سالاسىنداعى مەملەكەتتىك سىيلىعى «ماڭگىلىك ەل» مونۋمەنتى ءۇشىن اۆتورلار ۇجىمىنا: يمانعالي نۇرعاليۇلى تاسماعامبەتوۆكە، ساعىندىق سمايلۇلى جامبولاتوۆقا، مۇرات امانگەلدىۇلى مانسۇروۆقا، نۇرلان امانۇلى دالبايعا بەرىلسىن»، — دەلىنگەن قۇجاتتا.

سونىمەن قاتار، مەملەكەتتىك سىيلىق ء«اي، دۇنيە-اي» رومانى ءۇشىن جازۋشى بەكسۇلتان نۇرجەكەەۆكە; «قۇنانباي» تولىق مەتراجدى كوركەم ءفيلمى ءۇشىن دوسحان قاليۇلى جولجاقسىنوۆقا، رۋستام وديناەۆقا، ايدوس ءجۇمادىلدىۇلى بەكتەمىرگە، نۇرسيفات راحىمبايقىزى سالىقوۆاعا; قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان «تاۋەلسىزدىككە تارتۋ» جۇمىستار تسيكلى ءۇشىن سۋرەتشى كاميل مۋللاشەۆقا بەرىلەدى.

«ماڭگىلىك ەل» مونۋمەنتى استانادا 2011 جىلى 16 جەلتوقساندا اشىلعان بولاتىن. ونىڭ بيىكتىگى 20 مەتر، ياعني، تاۋەلسىزدىكتىڭ 20 جىلدىعىنىڭ سيمۆولى سانالادى.

Abai.kz