ماقتارالدىق شارۋالار جەردى يگەرىپ قانا قويماي، ونىمدىلىكتى ارتتىرۋ ماقساتىندا جاڭا ادىستەرگە دە تەز بەيىمدەلۋدە. سونداي ادىستەردىڭ ءبىرى تامشىلاتىپ سۋراۋ ءادىسى. 

ماسەلەن اۋدان كولەمىندە 2016 جىلدىڭ 1 قاڭتارىنا تامشىلاتىپ سۋارۋ تەحنولوگياسى ەندىرىلگەن جەر كولەمى 1520,46 گا قۇراعان. 2016 جىلى قوسىمشا 100,0 گا جەرگە تامشىلاتىپ سۋارۋ تەحنولوگياسىن ەندىرۋ تاپسىرماسى بەرىلسە، 9 ايدا 61,6 گا جەرگە تامشىلاتىپ سۋارۋ تەحنولوگياسى ەندىرىلگەن (61,6 %). شارۋالاردىڭ ايتۋىنشا تامشىلاتىپ سۋراۋ ءادىسىنىڭ ماڭىزى زور.

جالپى بۇگىنگى كۇندە سۋ الەمدىك ماسەلەگە اينالىپ وتىر. ءتۇرلى ماقساتتا قولدانىلاتىن سۋ قورىنىڭ جىلدان-جىلعا ازايىپ بارا جاتقانى بەلگىلى. سول سەبەپتەن كولگە سۋ از كەلىپ، قۋاڭشىلىق بولعان جىلدارى شارۋاشىلىقتار وسى تەحنولوگيانى قولدانعاندا جىلما-جىل تۇراقتى تۇردە ءونىمىن الىپ وتىراتىنى انىق. كەز-كەلگەن ۋاقىتتا، ەگىستىكتى سۋارىپ، قۋراپ قالۋدان ساقتاۋعا بولادى. شارۋاشىلىقتارىمىز ايتىلعان وزىق تەحنولوگيانى ءىس-جۇزىندە جۇزەگە اسىرسا، نارىق تالاپتارىنا ساي، بۇل شارۋاشىلىقتىڭ ءوندىرىس جانە ەڭبەك تيىمدىلىگىنىڭ ارتۋىنا جاڭا مۇمكىندىكتەر اشادى، جالپى ەكونوميكالىق ءوسۋدى قامتاماسىز ەتەدى دەپ كۇتىلۋدە. ماقتارالدىق شارۋالار 

«بۇل جۇيەنىڭ ارتىقشىلىقتارىن دالەلدەپ جاتۋدىڭ ءوزى ارتىق، اگرونومدىق، اگروتەحنيكالىق، ەكونوميكالىق تۇرعىدان ارتىقشىلىعى كوپ. ارىقپەن سۋارۋ ونىمدىلىگى – 20-35 پايىز بولسا، تامشىلاتىپ سۋارۋ 85-98 پايىز. راس، ونى ورناتىپ، ىسكە قوسۋعا قاراجات مولىراق قاجەت. دەگەنمەن، ەسەپتەۋلەر كورسەتكەندەي، بىرنەشە جىل ىشىندە جۇمسالعان شىعىن تولىعىمەن وتەلىپ، كەيىنگى جىلداردا ءونىمنىڭ وزىندىك قۇنى اناعۇرلىم تومەندەيدى. جۇمسالاتىن سۋ شىعىنى ءۇش ەسە از بولاتىنى ءوز الدىنا، بۇل تەحنولوگيادا تىڭايتقىش ەكى ەسە ۇنەمدەلەدى. تىڭايتقىشتار دا وسى سۋمەن بىرگە بەرىلەتىن بولدى. بۇرىندارى گەكتارىنا ەكى، كەيدە ءۇش تونناعا دەيىن تىڭايتقىش جۇمسالسا، بۇگىندە ءبىر گەكتارعا 300-400 كەلىسى جەتىپ جاتىر» دەيدى.

Abai.kz