مال شارۋاشىلىعىن دامىتىپ، ودان الاتىن ءونىمدى ەسەلەۋدىڭ جاڭا جوسپارى ءتۇزىلدى. جوسپاردى وبلىستىق اۋىل شارۋاشىلىعى باسقارماسىنىڭ باسشىسى تانىستىردى. ەگەر قۇجات جۇزەگە اسسا، اۋىلدا تۇراتىن اعايىننىڭ الەۋەتى ارتپاق.

باسقارما باسشىسى تانىستىرعان جوسپار بويىنشا ءسۇتتى باعىتتاعى ءىرى قارا مال سالاسىن دامىتۋعا ءجىتى نازار اۋدارىلىپ، ءۇش باعىتتا جۇزەگە اسادى. سونداي-اق، ەتتى ءىرى قارا مال سالاسىن دامىتۋعا دا ءجىتى نازار اۋدارىلادى. شارانى جۇزەگە اسىرۋعا بيۋدجەت جانە قاجدى ينستيتۋتتارى تاراپىنان 21 ميلليارد تەڭگە باعىتتالماق.

ەڭ باستىسى — اۋىلدىق تۇتىنۋ كووپەراتسياسىن قۇرۋ جوباسى ۇسىنىلدى. ءۇش جىلدىق جوسپاردىڭ تاعى ماڭىزدى ماقساتتارىنىڭ ءبىرى — ءار باستان الىناتىن ءونىمدى كوتەرىپ، ساپاسىن جاقسارتۋ ارقىلى نارىقتاعى باسەكەگە قابىلەتتىكتى ارتتىرۋ بولىپ تابىلادى.

مال ونىمدىلىگىن ارتتىرۋدا ەڭ نەگىزگىسى — ساپالى مال ازىعىمەن قامتاماسىز ەتۋ. بۇل تۇرعىدا ەگىستىك القاپتارىن ءارتاراپتاندىرۋ بارىسىندا مال ازىقتىق داقىلدارىنىڭ ەگىس كولەمىن ۇلعايتۋعا باسىمدىق بەرىلىپ، 2016 جىلعا دەيىن 100 مىڭ گەكتارعا ارتىق ەگىلەتىن بولادى. قازىرگىمەن سالىستىرعاندا سوياۋلى مال ازىعى 250 مىڭ تەڭگە، قۇنارلى جەم 45 مىڭ تەڭگە، سۇرلەم 85 مىڭ تەڭگەگە ارتىق وندىرىلەدى. وسى كولەمدى يگەرۋگە جاڭادان 542 تەحنيكا، 2,4 ميلليارد تەڭگە ءبولۋ جوسپارلانۋدا.

ءسۇتتى باعىتتاعى ءىرى قارا مال ءوسىرۋ سالاسىن دامىتۋ سالاسى 3 باعىتتا جۇرگىزىلەتىن بولادى. ءبىرىنشى باعىت — اسىل تۇقىمدى ءسۇتتى باعىتتاعى بۇقانىڭ ۇرىعىن پايدالانۋ ارقىلى جەرگىلىكتى ءىرى قارا مال تۇقىمىن جاقسارتۋ. ەكىنشى باعىت — ءسۇت تاۋارلى فەرمالارداعى تابىندى جاڭارتۋ ماقساتىندا اسىل تۇقىمدى انالىق باسپەن الماستىرۋ. ءۇشىنشى باعىت — 2014-2016 جىلدارى قوسىمشا ءسۇت تاۋارلى فەرمالارى مەن جانۇيالىق فەرمالار قۇرۋ.

Abai.kz