وڭتۇستىك قازاقستان وبلىسىنىڭ اكىمى جانسەيىت تۇيمەباەۆ قىرعىزستان رەسپۋبليكاسىنىڭ الماتى قالاسىنداعى باس كونسۋلى الياسبەك الىمكۋلوۆپەن كەزدەستى.

تاراپتار باسقوسۋدا تۋىسقان قازاق-قىرعىز ەلىنىڭ بىرلەسكەن جوبالار جايىن تالقىلاپ، قوس مەملەكەتتىڭ الداعى جوسپارلارىمەن ءبولىستى.

ءوڭىر باسشىسى وڭتۇستىك قازاقستان وبلىسى مەن قىرعىزستان اراسىندا ساۋدا-ساتتىق، ەكونوميكالىق، مادەني سىندى ءتۇرلى سالالارداعى بايلانىستى نىعايتۋعا مۇددەلى ەكەنىن جەتكىزدى. سونداي-اق، جانسەيىت قانسەيىتۇلى مارتەبەلى مەيماندارعا ەكىجاقتى «باۋىرلاس قالا»، «باۋىرلاس وبلىس» قۇرۋدى ۇسىندى. وبلىس ورتالىعى – شىمكەنتتى جاسىل قالاعا اينالدىرۋ جوسپارىمەن بولىسكەن وبلىس اكىمى كورشىلەس قىرعىزستاننان ساتىپ الىناتىن اعاش كوشەتتەرىنىڭ سانىن بولاشاقتا كوبەيتۋدى كوزدەپ وتىرعانىن جەتكىزدى.

ايماق باسشىسى تاراپىنان بولعان ۇسىنىستاردى وڭ باعالاپ، قولداعان باس كونسۋل وڭتۇستىكتە جۇرگەن قىرعىز ازاماتتارىنىڭ جاعدايىنا نازار اۋدارىپ، ولاردىڭ شەكارادان ءوتۋ ءتارتىبىن جەڭىلدەتۋدە سەپتىگىن تيگىزۋدى سۇرادى. بۇل وتىنىشكە بەي-جاي قاراماعان ج.تۇيمەباەۆ قىرعىز ازاماتتارىنىڭ قۇقىقتارىن قورعاۋ ءۇشىن ءتيىستى شارالاردىڭ جاسالاتىنىن جەتكىزدى. سونداي-اق، قوس تاراپ ەكى ەلدىڭ ارا قاتىناسىن دامىتۋدا جەڭىل ونەركاسىپ باعىتىن جانداندىرۋعا قىزىعۋشىلىق ءبىلدىردى.

ايتا كەتۋ قاجەت، بۇگىنگى تاڭدا وڭتۇستىك قازاقستان وبلىسىندا قىرعىز كاسىپكەرلەرىنىڭ قاتىسۋمەن قۇرىلعان «FreeMark» جشس ماكارون ونىمدەرىن وندىرەتىن كاسىپورىن جۇمىس ىستەيدى. 2015 جىلدان باستاپ ماكارون ونىمدەرىن قازاقستاندىق نارىققا شىعارىپ كەلە جاتقان سەرىكتەستىك ساعاتىنا 500 كەلى ءونىم وندىرۋگە قاۋقارلى.  

Abai.kz