بۇگىن قازاقستان رەسپۋبليكاسىنىڭ مەملەكەتتىك حاتشىسى گ.ن.ابدىقالىقوۆا قازاقستان حالقى اسسامبلەياسى كەڭەسىنىڭ ەل تاۋەلسىزدىگىنىڭ 25 جىلدىعىنا ارنالعان كەڭەيتىلگەن وتىرىسىنا قاتىستى.

وتىرىسقا قحا توراعاسىنىڭ ورىنباسارى – حاتشىلىق مەڭگەرۋشىسى ە.ل.توعجانوۆ، قر پارلامەنتى ءماجىلىسىنىڭ دەپۋتاتتارى، اسسامبلەيا مۇشەلەرى، قوعام قايراتكەرلەرى مەن زيالى قاۋىم وكىلدەرى قاتىستى.  

گۇلشارا ابدىقالىقوۆا ءوز سوزىندە 2016 جىل قازاقستان حالقى اسسامبلەياسى ءۇشىن باستى ستراتەگيالىق قۇجاتتار – قازاقستاندىق بىرتەكتىلىك پەن بىرلىكتى دامىتۋ جانە نىعايتۋدىڭ تۇجىرىمداماسىن، قحا دامۋىنىڭ 2025 جىلعا دەيىنگى دامۋ تۇجىرىمداماسى ىسكە اسىرۋ جىلى بولعانىن، «ماڭگىلىك ەل» پاتريوتتىق اكتىسى قابىلدانعانىن، اسسامبلەيانىڭ ينستيتۋتسيونالدىق تۇرعىدان نىعايتىلىپ، جاڭا فۋنكتسيونالدىق باعىتتارىنىڭ جۇزەگە اسقانىن اتاپ كورسەتتى. بۇل قحا قوعامدىق كەلىسىم كەڭەستەرى مەن مەدياتسيا جۇيەسى ورنىققان، «ۇلكەن ەل – ۇلكەن وتباسى» جالپىرەسپۋبليكالىق جوباسى مەن قحا-نىڭ اۋقىمدى قايىرىمدىلىق جوبالارى جۇزەگە اسقان جىل بولدى.      

قر مەملەكەتتىك حاتشىسى گ.ن.ابدىقالىقوۆا سونداي-اق، قازاقستاندىق جولعا قول جەتكىزۋدە قازاقستان حالقى اسسامبلەياسى مەملەكەت باسشىسىنىڭ جوسپارلارىن ىسكە اسىرۋدا ايرىقشا ءرول اتقارىپ، تاۋەلسىزدىكتىڭ 25 جىلدىعىنا ءوزىنىڭ ۇلەسىن قوسقانىن اتاپ ايتتى.  

وتىرىس بارىسىندا ەلباسى – قر تۇڭعىش پرەزيدەنتى ن.نازارباەۆتىڭ باسشىلىعىمەن ەلىمىزدىڭ تاۋەلسىزدىك جىلدارىندا قول جەتكىزگەن جەتىستىكتەرى، قوعامدىق كەلىسىم مەن جالپىۇلتتىق بىرلىكتىڭ قازاقستاندىق مودەلىن قالىپتاستىرۋ مەن دامىتۋداعى ءرولى تالقىلاندى.

جۇمىس قورىتىندىسى بويىنشا قحا كەڭەسى مەملەكەت باسشىسىنا ۇندەۋ قابىلدادى.