سوزاق اۋدانىنىڭ اكىمى م.يساەۆ جانە وبلىستىق ءماسليحاتتىڭ دەپۋتاتى م. تۇرىسبەكوۆ جۋىردا اۋدانداعى  جۋانتوبە اۋىلىنىڭ تۇرعىندارىمەن كەزدەستى.  جيىنعا سوزاق ورمان جانە جانۋارلار الەمىن قورعاۋ جونىندەگى مەملەكەتتىك مەكەمەسىنىڭ باسشىسى ا. الپامىسوۆ، شارۋا قوجالىق يەلەرى، اۋىل تۇرعىندارى قاتىستى. بۇل تۋرالى سوزاق اۋدانى اكىمدىگىنىڭ ءباسپاسوز قىزمەتى حابارلادى.

تۇرعىنداردىڭ نەگىزگى تالاپ تىلەكتەرى، قىستىق وتىن الۋ مەن جايىلىمدىق جەرلەرگە اۋىل مالدارىنىڭ ەركىن جايىلۋىنا مۇمكىندىك بەرۋ ماسەلەسىن ءسوز ەتتى.  بۇل تۋرالى اۋىل ءبيى ت. جاپاباەۆ اۋداندىق ءماسلياحاتتىڭ وسى وڭىردەن سايلانعان دەپۋتاتى س. جانۇزاقوۆ ءسوز سويلەپ ۇسىنىس تىلەكتەرىن ءبىلدىردى. جيىن بارىسىندا ورمان جانە جانۋارلار الەمىن قورعاۋ جونىندەگى مەملەكەتتىك مەكەمەسىنىڭ باسشىسى ا. الپامىسوۆ  جاۋاپ بەرىپ، زاڭ شەڭبەرىندە ارەكەت ەتىلەدى دەي كەلە، مال جايىلىمى جونىندە ەشقانداي ماسەلە تۋىندامايدى دەدى. وبلىستىق ءماسليحاتتىڭ دەپۋتاتى م. تۇرىسبەكوۆ قاجەتتى كومەكتەر كورسەتىلەتىنى، ءتيىستى ورىندارعا شىعىپ، تۇرعىنداردىڭ تالاپ تىلەكتەرىنىڭ اياقسىز قالمايتىنىن ايتتى. قورتىندى ءسوز سويلەگەن اۋدان اكىمى م. يساەۆ، حالىقتىڭ وتىنىشتەرى ەڭ ءبىرىنشى كەزەكتەگى ماسەلە، سوندىقتان كەز- كەلگەن ۇسىنىستى شەشۋ ءۇشىن ايانبايتىنىن تىلگە تيەك ەتتى.

ءبىر ايتا كەتەرى، وڭىرىمىزدە حالىققا اتقارۋشى ورگانداردىڭ جۇمىسى تۋرالى اقپاراتتاردىڭ اشىقتىعىن قامتاماسىز ەتۋ ءۇشىن وبلىس اكىمىنڭ تاپسىرماسىمەن «اشىق اكىمدىك» جوباسى جۇزەگە اسىرىلۋدا. بۇل جوبا ەلباسى ن.نازارباەۆتىڭ «100 ناقتى قادام» - ۇلت جوسپارىنىڭ 94 قادامىنا سايكەس جاسالعان. جوبا اياسىندا مەملەكەتتىك ورگانداردىڭ باسشىلارى حالىقتىڭ تالاپ-تىلەكتەرىنە، ساۋالدارىنا دەر كەزىندە جاۋاپتار بەرىلىپ، اكىمدىك پەن حالىق اراسىندا ءتيىمدى قارىم-قاتىناستى قالىپتاستىرۋ كوزدەلگەن.

Abai.kz