وڭتۇستىك قازاقستان وبلىسىنا قاراستى تالاپتى اۋىلدىق وكرۋگىندەگى «ايتولقىن-اي» جشس قۇرىلعالى 13 جىلدىڭ ىشىندە ءىرى قارا مال وسىرۋمەن اينالىسىپ كەلەدى. قاجىرلى ەڭبەكتىڭ ارقاسىندا ۇلكەن ناتيجەگە جەتكەن شارۋا قوجالىق اۋدان مەن اۋىل تۇرعىندارىن ەتپەن قامتاماسىز ەتىپ وتىر، ءارى بىرنەشە وتباسى مۇشەلەرىنە جۇمىس ۇسىندى. بيىلعى جىلى شارۋاقوجالىق 196 باس مالدى ەتكە وتكىزىپ، ءبىرشاما پايدا تاپتى. 

جاڭىلىس سىزدىقوۆا، «ايتولقىن-اي» جشس ءتورايىمى: 

– 2000 جىلداردىڭ باسىندا وتە ءبىر قيىن كەزەڭدەر ەدى عوي. بالا-شاعانى اسىراپ، جەتكىزەمىز دەپ جۇرگەنىمىزدە جۇمىسسىز قالدىق. كۇنكورىستىڭ قامىمەن مال باعۋدى قولعا الدىق. 2003 جىلدان باستاپ ءوزىمنىڭ جەكە شارۋاشىلىعىمدى اشتىم. باس كەزىندە ۇساق مال دا ۇستادىق، قولىمىزدا بار ءىرى قارانى كوبەيتۋگە تىرىستىق. الايدا ۇساق مالدىڭ اۋرەسى كوپ بولعاندىقتان بىرىڭعاي ءىرى قارانى كوبەيتتىك. وزىمىزگە قاجەت كولەمدە عانا سيىرلاردى ساۋىپ الامىز. نەگىزىنەن ەتكە وتكىزەمىز. جىلدان جىلعا مال باسىن كوبەيتىپ كەلەمىز. نەگىزىنەن قازاق اقباس سيىرلار باعىپ وتىرمىز. العاشقى جىلدارى قراعاندىدان، جامبىل وبلىستارىنان اكەلگەن اقباس سيىرلارىمىز ىستىققا شىداماي، ءبىراز شىعىنداندىق. كەيىننەن بەيىمدەلە باستادى. 1000 گەكتارداي جايىلىم جەرىمىز بار. جازداي جەم-ءشوبىمىزدى جينايمىز، 43 گەكتار شاعىن ەگىستىك القابىمىز بار. ەل قاتارلى شارۋمىزدى جۇرگىزىپ وتىرمىز.

جاڭىلىس حانىم باسقارىپ وتىرعان «ايتولقىن-اي» جشس بۇگىندە بىرنەشە وتباسى مۇشەلەرىن جۇمىسپەن قامتىپ وتىر. سيىر باعاتىن 4 مالشىعا اي سايىن تۇراقتى جالاقى تاعايىنداعان. شارۋا قوجالىعى باسشىسى وسىدان 3 جىلداي بۇرىن ول «سىباعا» باعدارلاماسىمەن 5 جىلعا 14 ميلليون تەڭگە نەسيە الىپ، قوجالىق پايداسىنا جاراتقانىن تىلگە تيەك ەتتى. بولاشاقتا مال باسىن ەكى ەسەگە كوبەيتۋدى جوسپارلاپ وتىر. 

Abai.kz