استانا. 13 قىرقۇيەك. قازتاگ – 15قىرقۇيەكتە قاپشاعايدا ينجەنەرلىك اسكەرلەردىڭ اسكەري مىندەتتى رەزەرۆيستەردىڭ جيىندارى وتەدى، دەپ حابارلايدى قر قورعانىس مينيسترلىگىنىڭ (قم) ءباسپاسوز قىزمەتى.

«15 قىرقۇيەكتە قاپشاعايدا ينجەنەرلىك اسكەرلەردىڭ «بەرەگ» وقۋ ورتالىعىندا زاپاستاعى 140 جاۋىنگەر ءتۇرلى جاعدايلاردا قارۋ مەن اسكەري تەحنيكانىڭ كەز-كەلگەن تۇرىمەن ارەكەت ەتۋ شەبەرلىكتەرى مەن بىلىمدەرىن كورسەتەدى»، - دەلىنگەن دۇيسەنبى كۇنى تاراتىلعان ءباسپاسوز مالىمدەمەسىندە.

قم ءباسپاسوز قىزمەتىنىڭ مالىمەتتەرىنە سايكەس، ينجەنەرلىك اسكەرلەردىڭ وقۋ ورتالىعىنڭ بازاسىندا ينجەنەرلىك اسكەرلەردىڭ زاپاستاعى اسكەري مىندەتتى جاۋىنگەرلەرى شىنجىرلى مينالىق بوگەتتى قولدانۋ ارقىلى مەحيزاتسيالانعان ادىسپەن تانكىگە قارسى مينا الاڭىن قويىپ، جارۋدىڭ وتتى ءادىسىن پىسىقتايدى.

سونداي-اق، ينجەنەرلىك اسكەرلەردىڭ پىسىقتاۋ جوسپارىنا تانكىلىك كوپىر توسەگىشتىڭ كومەگىمەن كەدەرگىلەردەن ءوتۋ، ينجەنەرلىك ماشينانى قولدانۋ ارقىلى قيراۋلاردا وتەتىن جول سالۋ، مينالىق باۋدىڭ كومەگىمەن مينا الاڭىن سالۋ، سۋمەن قامتۋ قوسىنى قالاي جابدىقتالاتىنىن جانە قالاي ۇستلاتىنىن كورسەتۋ كىرەدى.

ينجەنەرلىك اسكەرلەر – الدىڭعى شەتتىڭ اسكەرلەرى. سوعىس ۋاقىتىندا شابۋىلدى وسى ينجەنەرلىك اسكەرلەر باستايدى. ولار موتواتقىشتار مەن تانكىلەرگە الگەرى جىلجۋعا كومەكتەسەدى.

اسكەري ينجەنەرلەر قارسىلاستىڭ مينا الاڭدارىندا جانە بوگەتتەرىندە وتەتىن جول سالىپ، قيراۋلاردى تازارتادى، وسىلايشا اسكەرلەردىڭ وتۋىنە مۇمكىندىك جاسايدى، جەرلەردى، عيماراتتاردى، جولداردى، اەرودرومداردى، ستانتسيالاردى، كوشەلەردى مينالاردان تازارتادى.

ەسكە سالا كەتەيىك، ۇكىمەتتىڭ شەشىمىمەن بيىلعى جىلى 1200, كەلەسى جىلدان باستاپ 2000 اسكەري مىندەتتى جاۋىنگەر موتواتقىش جانە ارنايى اسكەرلەر، اۆياتسيا، اقق جانە بايلانىس سالالارىنىڭ وتىز ءتورت ماماندىعى بويىنشا ارنايى دايىندىقتان وتەدى.