ماقتارال اۋدانىندا سوڭعى جىلدارى ەگىستىك القاپتارىن ءارتاراپتاندىرۋ جوسپارى جان-جاقتى تالقىلانىپ، ديقاندار دا وزدەرىنىڭ ۇسىنىس-پىكىرلەرىن ورتاعا سالىپ ءارتۇرلى وسىمدىكتەردى ەگۋگە بەتبۇرىس جاساي باستادى.

ماماندار دا ماقتادان گورى جەمىس جيدەك وسىرۋگە بەتبۇرىس جاسالۋى كەرەكتىگىن ايتىپ «ماقتا القابىنىڭ كولەمىن ازايتاتىن بولساق، وندا سۋ دا ۇنەمدەلەر ەدى. بىلايشا ايتقاندا، ءبىر وقپەن ەكى قوياندى اتامىز.

ونىڭ ۇستىنە المادان، باقشادان كەلىپ جاتقان پايدا ماقتادان الدەنەشە كوپ بولىپ تۇر»، – دەپ ۇسىنىس ايتقان بولاتىن. راسىندا ماشاقاتى كوپ ماقتا عانا ەمەس، باۋ ءوسىرىپ، باقشا داقىلدارىن ەگۋدىڭ دە پايداسى كول-كوسىر ەكەنىن ايماق شارۋالارى دا باعامداپ ۇلگەرىپ، باقشا ونىمدەرىنە بەتبۇرىس جاساي باستاعان ەدى.

وسىلايشا قازىر بۇل وڭىردە باقشا ونىمدەرىنەن بولەك، كۇرىش، قىرىققابات تا وسىرىلە باستادى. ماسەلەن بيىل "اسقار -د" شارۋا قوجالىعىنىڭ توراعاسى اجىقابىلوۆ مۇقتار 10 گا جەرگە قىرىققابات داقىلىن ەگىپ، 400 تن ءونىم جينادى. ال "سامات 2" شارۋا قوجالىعىنىڭ توراعاسى داتقاەۆ مارات 20 گا جەرگە باقشا ونىمدەرىن ەگىپ، 960 تن ءونىم ءوندىرىپ، ورتاشا ونىمدىلىك مولشەرى 480 تس/گا قۇراپ وتىرعانىن مالىمدەدى.

"سۋلتان" شارۋا قوجالىعىنىڭ باسشىسى قۋدياروۆ ەرجان 25 گا جەرگە باقشا داقىلىن ەگىپ، ودان 500 تن ءونىم ءوندىرىپ، ورتاشا وندىمدىلىك 200 تس/گا قۇراعانى تۋرالى مالىمەت تاراتتى. بۇل باسقا شارۋالاردىڭ ونىمىمەن سالىستىرعاندا اۋىز تولتىرىپ ايتارلىقتاي كورسەتكىش دەۋگە بولادى. سوندىقتان شارۋالاردىڭ باسقا ەگىن ونىمدەرىن ەگۋگە دەگەن بەتبۇرىسى وڭ ناتيجە بەردى دەۋگە بولادى.

Abai.kz