وڭتۇستىك قازاقستان وبلىسى تۇلكىباس اۋدانىنداعى جەكە كاسىپكەرلەر سانى وسىدان بىرنەشە جىل بۇرىن 20 عانا بولسا، قازىرگى تاڭدا قىرىقتىڭ ۇستىنە شىققان. بارلىعى دەرلىك ءوز دەڭگەيىندە جۇمىس اتقارىپ جاتىر. نەگىزىنەن بۇل اۋداننىڭ تابيعاتى جايلى بولعاندىقتان مۇندا زاۋىت، فابريكالار ەمەس، جايقالعان باۋ-باقشالار كوپ. 

وڭتۇستىك قازاقستان وبلىسىنىڭ اكىمىنىڭ تاپسىرماسى بويىنشا تۇلكىباستا نەگىزىنەن وڭتۇستىكتىڭ برەندى رەتىندە اۋىل شارۋاشىلىق ونىمدەرىن ءوندىرۋدى قولعا العان ءوڭىر. وسى ورايدا اۋدان ازىق-تۇلىك قاۋىپسىزدىگىنە بايلانىستى جەرگىلىكتى ونىمدەردى وندىرۋمەن اينالىسادى.

تۇلكىباس تالايدى تامساندىرعان ءتاتتى الماسىمەن تانىمال. بۇرىندارى وسى وڭىردە جالپى كولەمى 4 200 گەكتار الما باعى بولعان. 2007-2009 جىلجارى جايقالعان باۋ-باقشا ەسكىرىپ، قۋراپ، نەبارى 700 گەكتارى عانا قالعان ەكەن. كەيىنگى جىلدارى اۋىلداردا شارۋالارعا نەسيە بەرۋ، سۋبسيديالاۋ ءوز ناتيجەسىن بەرە باستادى. ناتيجەسىندە الما باعىن كوبەيتۋ قولعا الىنىپ، جاڭا تەحنولوگيا بويىنشا الەمگە ايگىلى مەملەكەتتەردەن كوشەتتەر اكەلىنىپ وتىرعىزىلدى. قازىرگى تاڭدا تاۋلى اۋدانداردا 200 گەكتارعا جۋىق الما باعى بار. 2018 جىلعا دەيىن 400 مىڭ گەكتار الما ەگۋ جوسپارلانىپ وتىر. وسى ورايدا «كوكتال»، «كەڭ تال» شارۋا قوجالىقتارىنىڭ جۇمىستارى اۋقىمدى.

بەيبىت تولەشوۆ، «كوكتال» شارۋا قودالىعىنىڭ باسشىسى: 

– و باستا الما باعىمىزدىڭ وسىنداي ۇلكەن بولاتىنىنا سەنگەن جوقپىز. اكەم جاستايىنان باۋ-باقشا ەگۋمەن اينالىستى. مەنى اگرونوم ماماندىعىنا وقىتتى. اكەمنىڭ ومىردەن كەتكەنىنە دە ءۇش جىل بولدى. اتا كاسىبىمىزدى جالعاستىرىپ، باۋ-باقشانى قاراپ، جەمىسىن الىپ جاتىرمىز. باۋ-باقشانى باپتاعانىڭا بايلانىستى جەمىس الاسىڭ. جاڭبىر كوپ بولعاندىقتان بيىل اۋرۋ دا كوپ بولدى. شىعىن دا شاش ەتەكتەن، ايتەۋىر مەملەكەتتىڭ بەرىپ وتىرعان جەڭىلدىكتەرىنىڭ ارقاسىندا ءدارى دارمەكتى سۋبسيامەن الدىق. قازىر بىزدە 15 شاقتى الما سورتى بار. بەس جۇلدىز، ايدارەت، التىن الما سەكىلدى ساقتالۋى جاقسى المالار وتە ءوتىمدى. تازا ءونىم بەرەتىن 100 گەكتارىمىز بار، قالعان 140 گەكتارى ءالى جاس جەمىس اعاشتارى. ەكى جىلدان كەيىن ولار دا جەمىس بەرە باستايدى، الداعى جىلدارى 4-5 مىڭ توننا جەمىس الامىز دەپ ۇمىتتەنىپ وتىرمىز. مەمەكلەتتەن 5 جىلعا 300 ميلليون تەڭگە نەسيە الدىق. جىلىنا 55 ميلليون تولەيمىز. نەسيە تولەۋدەن ارتاقن قارجىمىزعا جاڭا تەحنيكا، كوشەتتەر الامىز، ەڭبەگىمىزدىڭ ارقاسىندا بارلىق شىعىندى اقتايمىز. 

Abai.kz