ەلىمىزدىڭ ءار وبلىسى ءارتۇرلى شارۋاشىلىققا ماشىقتانعان. سونىڭ ىشىندە اۋىل شارۋاشىلىعى سالاسى وڭتۇستىك قازاقستان وبلىسى ەكونوميكاسىنىڭ نەگىزگى باعىتى سانالادى. رەسپۋبليكا بويىنشا اۋىل شارۋاشىلىعىندا وقو-نىڭ ۇلەسى 13 % قۇرايدى. بيىلعى جىلدىڭ 9 ايلىق كورسەتكىشى بويىنشا اۋىل شارۋاشىلىعى جالپى ءونىم كولەمى 319,6 ملرد. تەڭگەنى قۇراپ، وتكەن جىلدىڭ ءتيىستى كەزەڭىمەن سالىستىرعاندا 72,3 ملرد. تەڭگەگە ارتقانىن كورۋگە بولادى. ناقتى كولەم يندەكسى 100,7 % پايىزدى قۇراپ وتىر.

اۋىل شارۋاشىلىعى نەگىزگى كاپيتالىنا تارتىلعان ينۆەستيتسيالاردىڭ كولەمى 5,4 ملرد. تەڭگەنى قۇراپ، وتكەن جىلدىڭ ءتيىستى كەزەڭىمەن سالىستىرعاندا 1,6 ەسەگە ارتقان. ال ورداباسى اۋدانىندا اۋىل شارۋاشىلىق ماقساتىنداعى جەرلەردىڭ جالپى كولەمى 193 682 گا قۇرايدى (ەگىستىك جەر كولەمى 91 146 گا، ونىڭ 40 587 گا جەرى ءتالىمى، 33 300 گا سۋارمالى، جايىلىم 101 107 گا، كوپجىلدىق قوندىرعىلار 1 429 گا، تىڭايعان جەر كولەمى 17 559 گا). 2016 جىلعا جاڭا تەحنيكا الۋ تاپسىرماسى 89,1 پايىزعا ورىندالىپ وتىر (تاپسىرما 55 جاڭا تەحنيكا، ناقتى 49 اۋىلشارۋاشىلىق تەحنيكاسى الىنعان).

2016 جىلدىڭ ەسەپتى كەزەڭىنە شنۇ “ىرىس” جشس-گى ارقىلى بەرىلگەن نەسيە كولەمى جالپى 157,7 ملن.تەڭگە، ونىڭ ىشىندە 59,5% ەگىن شارۋاشىلىعىنا، 1,9% جىلىجايعا جانە 38,6% مال شارۋاشىلىعىنا بەرىلدى.

“اۋىل شارۋاشىلىعىن قارجىلاي قولداۋ قورى” اق ارقىلى بەرىلگەن نەسيە كولەمى جالپى 157,8 ملن. تەڭگە، ونىڭ 3,8% جول تاسىمالداۋ، 5,7% جۇك تاسىمالداۋ، 3,8% جىلىجايعا، 1,9% كولىك جوندەۋ جانە 84,8% مال شارۋاشىلىعىنا بەرىلدى. 

Abai.kz