ورداباسى اۋدانىندا سوڭعى جىلدارى ەگىستىك القاپتارىن ءارتاراپتاندىرۋ جۇمىستارى ءساتتى جۇرگىزىلۋدە. ەتكەن ەڭبەكتىڭ جەمىسى دە كورىنۋدە.

ماسەلەن شۇبار اۋىلدىق وكرۋگىنە قاراستى تۇگەلباي پەرنەباي نۇرانۇلى وزات كوكونىس وسىرۋدەن كوزگە تۇسسە. قاجىمۇحان اۋىلدىق وكرۋگىنە قاراستى «قازاقستان لوگيستيك گرۋپپ» جشس-ءنىڭ توراعاسى سازىنبەك رۋسلان بەيبىتباۇلى وزات باۋ ءوسىرۋشى رەتىندە تانىلعان.

ال بوگەن اۋىلدىق وكرۋگىنە قاراستى نىسانبەك اعابەك ماقتا، جۇگەرى ونىمدەرىن تەحنيكامەن باپتاۋدان ەڭبەك وزاتى. قاراقۇم اۋىلدىق وكرۋگىنەن «نۇر-شاپاعات» وندىرىستىك كووپەراتيۆىنىڭ وزات سۋشىسى دوسىم عالىمجان قۇرمانبەكۇلىنىڭ دا ەڭبەگى زور. جەڭىس اۋىلدىق وكرۋگىنە قاراستى «قاراجان» شارۋا قوجالىعىنىڭ توراعاسى قاراجان ومىربەك 7 گەكتار جەرگە باقشا ەگىپ، گەكتارىنا 350 تسەنتنەردەن ءونىم العان وزات باقشا ءوسىرۋشى رەتىندە تانىلىپ وتىر. قاراسپان اۋىلدىق وكرۋگىنەن كۇدىربەكۇلى ايبات «اي-اس-بەك» شارۋا قوجالىعىنىڭ توراعاسى 30 گەكتار جەرگە جۇگەرى ەگىپ، گەكتارىنا 100 تسەنتنەردەن ءونىم العان. سونداي-اق وزات جۇگەرى ءوسىرۋشى رەتىندە بۇگىندە اۋدان كورسەتكىشىن العا سۇيرەپ وتىر.

ەڭبەك ونىمدىلىگىن ارتتىرۋدا وسى سالاداعى باسقا دا مامانداردىڭ ەڭبەگى زور. ماسەلەن ءبورجار اۋىلدىق وكرۋگىنە قاراستى پەردەباەۆ سەرعالي ەگىن ناۋقانىندا ءوزىنىڭ جەكە مەنشىك تراكتورىمەن 600 گەكتار جەردى ايداعان، ۇزدىك مەحانيزاتور. شۇبارسۋ اۋىل وكرۋگى بويىنشا جەكە كاسىپكەر سۋيۋنديكوۆا نۋرسۋلۋ ءوز اۋلاسىنان 10-15 باس مال بورداقىلاۋ الاڭشاسىن اشىپ، جۇمىس جۇرگىزۋدە وزات مال بورداقىلاۋشى رەتىندە تانىلىپ وتىر.

باتىربەكوۆ ەرلان تورتكول اۋىل وكرۋگى بويىنشا 10 گەكتار جەرگە ماقتا ەگىپ، گەكتارىنا 45 تسەنتنەردەن ءونىم العان وزات ماقتا ءوسىرۋشى.

Abai.kz