«ۇلى دالا ەلى – تاۋەلسىزدىكتىڭ 25 نەگىزى» اتتى جۇلدىزدى 25 كۇن شاراسى اياسىندا مەملەكەتتىك حاتشى گۇلشارا ابدىقالىقوۆانىڭ توراعالىعىمەن مەملەكەتتىك رامىزدەر، ۆەدومستۆولىق جانە ولارعا تەڭەستىرىلگەن وزگە دە ناگرادالار گەرالديكاسى ماسەلەلەرى جونىندەگى رەسپۋبليكالىق كوميسسيانىڭ كەڭەيتىلگەن وتىرىسى ءوتتى.  وتىرىسقا ورتالىق جانە جەرگىلىكتى اتقارۋشى ورگانداردىڭ باسشىلارى،  قوعام قايراتكەرلەرى، مادەنيەت جانە سپورت سالالارىنىڭ وكىلدەرى، عالىمدار قاتىستى، - دەپ جازادى "ەگەمەن قازاقستان" گازەتى.

جيىندا ءسوز العان گۇلشارا ابدى­قالىقوۆا قازاقستان تاۋەلسىزدىگىنىڭ 25 جىلدىعىن مەرەكەلەۋ بويىنشا تۇجىرىمداما جاسالعانىن، سوعان سايكەس، تاۋەلسىزدىكتىڭ شيرەك عاسىرعا تولعان تورقالى تويىن اتاپ ءوتۋ جو­نىن­دەگى ءىس-شارالار جوسپارلارى قا­بىلدانعانىن اتاپ ءوتتى. «21 قارا­شا مەن 15 جەلتوقسان ارالىعىندا وتە­تىن ءىس-شارالار «تاۋەلسىزدىكتىڭ 25 جۇلدىزدى كۇنى» اياسىندا ۇيىم­داس­تىرىلادى. وسىعان وراي، كۇنى كەشە ەلى­مىزدىڭ 16 جاسقا تولعان ازاماتتارى­نا جەكە كۋالىكتەرىن سالتاناتتى تۇردە تابىستاۋ ءراسىمى وتكىزىلسە، بۇگىنگى جيىن تاۋەلسىزدىكتىڭ باستى نىشانى – مەملەكەتتىك رامىزدەرگە ارنالىپ وتىر»، – دەدى گۇلشارا ناۋشاقىزى.  سونىمەن قاتار، ول ەل تاۋەلسىزدىگىنىڭ 25 جىلدىعىن مەرەكەلەۋ اياسىندا بيىلعى جىلدىڭ ءساۋىر ايىندا وتكەن قازاقستان حالقى اسسامبلەياسى كەڭەسىنىڭ «تاۋەلسىزدىك. كەلىسىم. بولاشاعى ءبىرتۇتاس ۇلت» اتتى XXIV سەسسياسىندا «ماڭگىلىك ەل» پاتريوتتىق اكتىسىنىڭ قابىلدانعانىنا توقتالا كەلە، بۇل تاريحي قۇجاتتا ماڭگىلىك ەلدىڭ مىزعىماس 7 تۇعىرىن نىعايتۋ، ساقتاۋ، ۇرپاقتان-ۇرپاققا امانات ەتۋ مىندەتتەرى بەلگىلەنگەنىن جەتكىزدى.  «ولار تاۋەلسىزدىك پەن استاناعا، جالپىۇلتتىق بىرلىككە، بەيبىتشىلىك پەن كەلىسىمگە، زايىرلى مەملەكەت جانە جوعارى رۋحانياتقا، يننوۆاتسيا يىرىمدەرىنە، تۇراقتى ەكونوميكالىق وسىمگە، جالپىعا ورتاق ەڭبەك قوعامىنا، تاريحتىڭ، مادەنيەت پەن ءتىلدىڭ ورتاقتىعىنا،  ۇلتتىق قاۋىپسىزدىككە، سونداي-اق، قازاقستاننىڭ جالپى الەمدىك جانە وڭىرلىك پروبلەمالارىن شەشۋگە تىكەلەي قاتىسۋىنا بايلانىستى»، – دەدى مەملەكەتتىك حاتشى.

جيىن اياسىندا گۇلشارا ابدىقالىقوۆا ەلىمىزدىڭ بارلىق وڭىرىندە مەملەكەتتىك رامىزدەرگە ارنالعان بايقاۋلاردىڭ، پاتريوت­تىق ءىس-شارالاردىڭ جۇرگىزىلىپ جاتقانىن ايتا كەلە: «مەم­لە­كەتتىك رامىزدەر – ەل ىشىندەگى تۇراق­تىلىقتىڭ،  قوعامدىق كەلى­سىم مەن پاتريوتتىق تاربيەنىڭ اسا ما­ڭىزدى قۇرالى.  سوندىقتان ولاردى قادىرلەپ، قاستەر تۇتۋىمىز كەرەك»، – دەدى.

وتىرىستا ەلتاڭبا اۆتورى جان­داربەك مالىبەكوۆ تە ءسوز الدى. ول تۋدىڭ، ەلتاڭبانىڭ، ءانۇراننىڭ تاۋەلسىز قازاقستاننىڭ ومىرىندە الاتىن ورنىنا توقتالا وتىرىپ، 1992 جىلعى ماۋسىمنىڭ 4-ىندە جوعارعى كەڭەستىڭ سالتاناتتى ماجىلىسىندە قازاقستاننىڭ جاڭا مەملەكەتتىك رامىزدەرىمەن رەسمي تانىسۋ بولعانىن، ال 1996 جىلدىڭ 24 قاڭتارىندا  پرەزيدەنتتىڭ «قازاق­ستان رەسپۋبليكاسىنىڭ مەم­لەكەتتىك رامىزدەر تۋرالى» كونس­تيتۋتسيالىق كۇشى بار جارلى­عىمەن ەلتاڭبانىڭ قۇقىقتىق مار­تەبەسى ايقىن­دالعانىن جەتكىزدى.

ال قوعام قايراتكەرى مىرزاتاي جولداسبەكوۆ ەلدىڭ العاش ءوز تاۋەل­سىزدىگىن العان كەزەڭىن ەسكە الىپ، تول­عانىسىمەن  ءبولىستى. تاۋەلسىز­دىكتىڭ جولى «وڭاي بولعان جوق. مۇنى ۇرپاق ءبىلۋى كەرەك. قۇل­دىراعان ەكونوميكانى، تۇرالا­عان ءوندىرىستى قالىپقا سالۋ ارينە، وڭايعا تۇسكەن جوق. بۇل جەردە ەلباسىنىڭ ءتوزىمى دە جەتتى، اقىلى مەن پاراساتى دا جەتتى. بۇل جولدا باسىن بايگەگە تىككەن، بىراق، جاندارى قيىلعان بابالارىمىز، قولىنا قارۋ العان باتىرلارىمىز، كوسەمدەرىمىز، دانالارىمىز، اقىندارىمىز، جىراۋ­لارىمىز، حاندارىمىز جەتە ال­ماعان تاۋەلسىزدىككە ءبىز جەت­تىك»، – دەدى مىرزاتاي جولداس­بەكوۆ.

ونىڭ ايتۋىنشا، سول جىلدارى قازاق حالقىنىڭ سانى 39 پايىز بولعان ەكەن. «سول كەزدە ءبىزدى بۇ­رىننان بەرى قازاقستاندا ءومىر ءسۇرىپ جاتقان وزگە ۇلت وكىلدە­رى دە قولدادى.  ءبىز مۇنى ەشقا­شان ۇمىتپاۋىمىز كەرەك. قازاق­ستاننىڭ جەلبىرەگەن كوك تۋىنىڭ تۇعى­رى حالقىمىزدىڭ مىزعىماس بىرلى­گى مەن ىنتىماعىنىڭ ارقا­سىندا بيىكتەپ تۇر. ەسىكتەگى باسىمىز تورگە جەتتى. قا­زاق­ستان دامى­دى، ونى الەم تانى­دى، موي­ىندا­دى. قازاقتىڭ ءتىلى بۇۇ مىن­بەرىنەن ەستىلدى.  «با­قىت باعا­لاعاننىڭ عانا باسىندا تۇرادى» دەيدى، ءبىز وسى باقىتتى باعا­لاي ءبىلۋىمىز كەرەك دەپ ويلاي­مىن»، – دەدى مىرزاتاي جولداس­بەكوۆ.

سونىمەن قاتار، ول مەملە­كەتتىك را­مىزدەردىڭ قۇندىلى­عىنا قاتىس­تى دا ءوز ويىن ءبىل­دىردى. «مەم­لەكەتتىك رامىزدەر – مەملەكەتتىڭ پاسپورتى، ياعني تولقۇجاتى. ءبىزدىڭ جەل­بىرەگەن تۋىمىزعا، ەلتاڭبا­مىزعا، انۇرانىمىزعا قاراپ، قازاق­ستاندى تانيدى»، دەدى مىرزاتاي جولداسبەكوۆ.

بۇل كۇنگى وتىرىستا سونداي-اق، سىرتقى ىستەر، اقپارات جانە كوم­­مۋنيكاتسيا، مادەنيەت جانە سپورت مينيسترلىكتەرىنىڭ، الما­تى قالاسىنىڭ، قاراعاندى، شى­عىس قازاقستان وبلىستارى اكىم­دەرىنىڭ ەسەپتەرى تىڭدالدى. جيىن سوڭىندا مەملەكەتتىك ورگاندار مەن اكىمدىكتەرگە ناقتى تاپسىرمالار جۇكتەلدى.

ءلايلا ەدىلقىزى

Abai.kz