بۇگىن ءبىزدىڭ پورتال "ۇبت-دان قازاق ءتىلىنىڭ الىنىپ تاستالعانى راس پا؟"  دەگەن ماقالا جاريالاعان ەدى. سوعان وراي ءتيىستى ورىندار جاۋاپ بەردى. بيىل مەكتەپ بىتىرۋشىلەردىڭ 100 پايىزى قازاق تىلىنەن ەمتيحان تاپسىرادى، - دەلىنگەن ءبىزدىڭ ەلەكتروندى پوچتامىزعا كەلگەن حابارلامادا.  

"12 جىل بويى ورىس مەكتەپتەرىنىڭ تۇلەكتەرى قازاق ءتىلىن ۇبت اياسىندا تاپسىرىپ كەلگەن بولسا دا، ونىڭ ناتيجەلەرى ەسەپكە الىنباعان ەدى. ءتىل ءبىلىمىن باعالاۋ ناتيجەلەرى گرانتتى الۋعا ىقپال ەتپەگەن. سونىمەن قاتار، مەكتەپ تۇلەكتەرىنىڭ ءبىر بولىگى قازاق ءتىلىن تەست نەگىزىندە ەمەس، مەكتەپتە ازىرلەنگەن بيلەتتەر بويىنشا تاپسىرعان" دەلىنگەن مينيسترلىك تاراتقان حابارلامادا.

"ۇبت-نىڭ ەكى كەزەڭگە بولىنۋىنە بايلانىستى، سونداي-اق، بيىلعى مەكتەپ تۇلەكتەرىنىڭ 100 پايىزى قازاق تىلىنەن ەمتيحان تاپسىرۋى ماقسات ەتىلىپ قويىلىپ وتىرعاندىقتان، اتتەستاتتى الۋ ءۇشىن ءاربىر تۇلەك ەمتيحان تاپسىرىپ، ءتىل ءبىلىمىن تەستىلەۋ قورىتىندىلارى بويىنشا سايكەس باعاسىن الۋى ءتيىس", - دەيدى مينيسترلىك وكىلدەرى.

اباي-اقپارات