قىرعىزستان مەملەكەتتىك تۋ كۇنىن اتاپ ءوتىپ جاتىر
قىرعىزستاندا 3 ناۋرىز - مەملەكەتتىك تۋ كۇنى. بيىل ۇلتتىق تۋعا 25 جىل تولدى. وسى ۋاقىتقا دەيىن ول الەمنىڭ كوپتەگەن جەرلەرىن ارالاپ شىقتى.
قىرعىزستاننىڭ العاشقى تۋى 1992 جىلى 3 ناۋرىزدا تىگىلگەن، ال 5 ناۋرىزدا ول قىرعىز رەسپۋبليكاسى ۇكىمەتىن ءۇيىنىڭ توبەسىندە جەلبىرەپ تۇردى.
جالالاباد قالاسىندا مەملەكەتتىك تۋ كۇنى سالتاناتتى مارش ۇيىمداستىرىلدى. ەكى مىڭعا جۋىق ادام قالانىڭ ورتالىق الاڭىنا جينالىپ، تۋدى بيىككە كوتەردى.
قاراكول قالاسىندا مەملەكەتتىك تۋ كۇنىمەن قاتار، ۇلتتىق باس كيىم - اق قالپاق كۇنى دە اتاپ ءوتىلدى. جاپپاي شاراعا جاستار ۇيىمدارىنىڭ وكىلدەرى، ستۋدەنتتەر مەن بەلسەندىلەر قاتىستى.
اباي-اقپارات
