Қырғызстан Мемлекеттік ту күнін атап өтіп жатыр
Қырғызстанда 3 наурыз - Мемлекеттік ту күні. Биыл ұлттық туға 25 жыл толды. Осы уақытқа дейін ол әлемнің көптеген жерлерін аралап шықты.
Қырғызстанның алғашқы туы 1992 жылы 3 наурызда тігілген, ал 5 наурызда ол Қырғыз Республикасы Үкіметін үйінің төбесінде желбіреп тұрды.
Жалалабад қаласында Мемлекеттік ту күні салтанатты марш ұйымдастырылды. Екі мыңға жуық адам қаланың орталық алаңына жиналып, туды биікке көтерді.
Қаракөл қаласында Мемлекеттік ту күнімен қатар, ұлттық бас киім - ақ қалпақ күні де атап өтілді. Жаппай шараға жастар ұйымдарының өкілдері, студенттер мен белсенділер қатысты.
Абай-ақпарат
