ىشكى ىستەر ءمينيسترى قالمۇحانبەت قاسىموۆ EXPO-2017 تەرريتورياسىنداعى قۇراستىرمانىڭ قۇلاۋى بويىنشا جۇرگىزىلگەن تەرگەۋدىڭ قورىتىندىسىن جاريا ەتتى، - دەپ حابارلايدى Tengrinews.ءkz تىلشىسى. 

"بۇعان دەيىن مەتالل ناشار بولعان دەپ ايتىپ جاتتى، بىراق مەتالل دۇرىس بولعان، بالقىتىپ بىرىكتىرۋشىلەر دۇرىس جۇمىس جۇرگىزبەگەن", - دەپ حابارلادى قاسىموۆ پارلامەنت سەناتى وتىرىسىنىڭ ۇزىلىسىندە.

ەسكە سالايىق، كەشە EXPO تەرريتورياسىندا ۇزىندىعى 96 مەتر جانە سالماعى 240 توننا بولاتىن دەكوراتيۆ كوپىر قۇراستىرماسى وپىرىلعان ەدى. "استانا ەكسپو-2017" ۇك اق وكىلدەرى بۇل قۇراستىرمانىڭ دەكوراتيۆ ەكەنىن جانە پايدالانۋعا بەرىلمەيتىنىن ايتىپ سەندىردى. ال قالعان پاۆيلوندار بۇلىنبەپتى.