قوستانايدا "جاسىل ەل" باعدارلاماسى بويىنشا ويدان شىعارىلعان ادامدارعا فيكتيۆتى جاردەماقى راسىمدەپ، 10 ميلليون تەڭگە ۇرلاعان، - دەپ حابارلايدى Tegnrinews.kz.

قوستاناي وبلىستىق ەكونوميكالىق تەرگەۋ قىزمەتى "جاسىل ەل" باعدارلاماسى بويىنشا بولىنگەن قاراجاتتى جىمقىرۋ قىلمىستىق سىزباسىن انىقتاعان. قاراجاتتىڭ نەگىزگى باعىتى جاستاردىڭ جۇمىسپەن قامتىلۋى جانە قالانى كوگالداندىرۋعا جۇمسالۋ كەرەك بولعان.

تەرگەۋ مالىمەتىنشە، قوستاناي وبلىستىق "جاسىل ەل" فيليالىنىڭ ديرەكتورى باستاعان قىلمىستىق توپ 2014-2016 جىلدارى اراسىندا ويدان شىعارىلعان ادامدارعا فيكتيۆتى جاردەماقى راسىمدەپ، 16 ميلليون تەڭگەدەن اسا قاراجاتتى جىمقىرۋدى جوسپارلاعان", - دەلىنگەن حابارلامادا.

ۇستاۋ بارىسىندا قوستاناي وبلىستىق مكد ەتق-ءنىڭ وكىلدەرى 10 ميلليوننان اسا تەڭگە تاركىلەگەن. 

"وسى ءىس بويىنشا قىلمىستىق جاۋاپكەرشىلىككە جەتى ادام تارتىلعان، باسشى مەن نەگىزگى ورىنداۋشى قاماۋعا الىنعان. 8 ميلليون تەڭگە بولاتىن مۇلىك پەن قاراجات تاركىلەنگەن، 2 ميلليون تەڭگە مەملەكەتكە ءوز ەركىمەن قايتارىلعان. قىلمىستىق ءىستىڭ تەرگەۋ شارالارى اياقتالىپ، ءىس سوتقا جىبەرىلدى", - دەلىنگەن حابارلامادا. 

Abai.kz