مۇحامماد بەكجان – الەمدە ۇزاق ۋاقىت تۇرمەدە وتىرعان ساناۋلى ءجۋرناليستىڭ ءبىرى. "تۇرمەدە مەن سەكىلدى تاعى بىرنەشە جۋرناليست وتىر. ولار - يۋسۋف رۋزيمۋرودوۆ، اگزام تۋرگۋنوۆ جانە ساليدجان ابدۋراحمانوۆ. ولارعا دا بوستاندىق بەرۋ كەرەك. بۇعان قوسا پرەزيدەنتتەن "ەرىك" پارتياسىنىڭ بەلسەندىسى مۇحامماد رادجابتى بوساتۋىن سۇرايمىن. ول 25 جىلدان بەرى تۇرمەدە وتىر", - دەدى جۋرناليست.

مۇحامماد بەكجان - وپپوزيتسيالىق "ەرىك" پارتياسىنىڭ توراعاسى مۇحامماد ساليحتىڭ ءىنىسى. بەكجان "ەرىك" گازەتىنىڭ باس رەداكتورى قىزمەتىن اتقاردى.

وزبەكستاندا 1999 جىلعى جارىلىستارعا قاتىسى بار دەگەن كۇدىكپەن جۇزدەگەن وپپوزيتسيالىق بەلسەندى سوتتالدى. سول كەزدە مۇحامماد بەكجاندى ۋكراينادان ۇرلاپ اكەتىپ، تاشكەنتتە 13 جىلعا سوتتاعان. 2011 جىلى ءجۋرناليستىڭ قاماۋداعى مەرزىمى تاعى 4 جىل، 8 ايعا سوزىلدى. ول وزىنە تاعىلعان ايىپتاردى جوققا شىعارعان بولاتىن.

اباي-اقپارات