Мұхаммад Бекжан – әлемде ұзақ уақыт түрмеде отырған санаулы журналистің бірі. "Түрмеде мен секілді тағы бірнеше журналист отыр. Олар - Юсуф Рузимуродов, Агзам Тургунов және Салиджан Абдурахманов. Оларға да бостандық беру керек. Бұған қоса президенттен "Ерік" партиясының белсендісі Мұхаммад Раджабты босатуын сұраймын. Ол 25 жылдан бері түрмеде отыр", - деді журналист.

Мұхаммад Бекжан - оппозициялық "Ерік" партиясының төрағасы Мұхаммад Салихтың інісі. Бекжан "Ерік" газетінің бас редакторы қызметін атқарды.

Өзбекстанда 1999 жылғы жарылыстарға қатысы бар деген күдікпен жүздеген оппозициялық белсенді сотталды. Сол кезде Мұхаммад Бекжанды Украинадан ұрлап әкетіп, Ташкентте 13 жылға соттаған. 2011 жылы журналистің қамаудағы мерзімі тағы 4 жыл, 8 айға созылды. Ол өзіне тағылған айыптарды жоққа шығарған болатын.

Абай-ақпарат