تاياۋدا الەۋمەتتىك جەلىلەرگە تاراپ كەتكەن اتىشۋلى سۋرەتتەردىڭ «ەكسپو-2017» كورمەسىنىڭ نىساندارىنا مۇلدە قاتىسى جوق. ءبىزدىڭ ايتىپ وتىرعانىمىز - "سىزات".

بۇل تۋرالى «ۆرەميا» گازەتىنە بەرگەن سۇحباتىندا «استانا ەكسپو-2017» ۇك» اق قوعاممەن بايلانىس دەپارتامەنتىنىڭ ديرەكتورى سەرگەي كۋيانوۆ مالىمدەدى.

جۋىردا بىرقاتار الەۋمەتتىك جەلى بەتتەرىندە ەلورداداعى بولاشاق حالىقارالىق كورمە اۋماعىندا تۇسىرىلگەن-مىس، جارىقشاعى بار قۇرىلىس سۋرەتى جاريالانعانى بەلگىلى. قاراپايىم عالامتور قولدانۋشىلارى بولسا، بىردەن ماسەلەنى قىزۋ تالقىعا سالىپ، ءوز ويلارىن ءبىلدىردى.

ال جاۋاپتى شارانى وتكىزۋگە جۇمىلعان «استانا ەكسپو-2017» كومپانياسى ءباسپاسوز وكىلدەرىنىڭ رەسمي ۇستانىمى كوپ كۇتتىرمەدى: سۋرەتتەردى كورمە نىساندارىنا تاڭۋ نەگىزسىز. ءبارى امان-ەسەن، جۇمىس قالىپتى سيپاتتا كەستەگە ساي جۇزەگە اسۋدا. ماعىناسى وسىنداي سىڭايدا. سەرگەي كۋيانوۆ، جالعان دۇنيە جەلىدە پايدا بولعان بەتى، قۇرىلىس باسىنداعى قۇزىرلى ماماندارعا كورسەتكەنىن ايتادى. بارلىق سۋرەتتەگىگە ۇقساس تەمىر قۇرىلىمدار مۇقيات تەكسەرىلىپ شىققان. بىرنەشە ساعاتتان كەيىن ەشقانداي كىناراتتىڭ جوقتىعى انىقتالعان. ەلدى دۇرلىكتىرگەن «ەڭبەكتىڭ» فوتوشوپ پا الدە جاي عانا سايكەستىك پە، ول جاعى تۇسىنىكسىز دەيدى دەپارتامەنت جەتەكشىسى.

«الداعى ۋاقىتتا مۇنداي تەنتەكتىك ارەكەتتەر بولا ما، ونى دا انىق ايتۋ قيىن. بىراق ءبىز اتالعان توسىن جايتتاردان قورىقپايمىز. بۇل اسا ماڭىزدى دا ەمەس. ماسەلەگە باسقا قىرىنان قاراساق، بۇگىنگى جەتىستىكتەر كوڭىل قۋانتادى. مىسالعا، تاريحتا ەڭ كوپ كورمەگە قاتىسۋشىلاردى توسىپ وتىرمىز. ءتورت جىلدا ەڭسەرىلۋى ءتيىس قىرۋار شارۋانى ءبىر جارىم جىلدا اياقتاپ تاستادىق. ساپا دا ويداعىداي. از عانا ۇساق-تۇيەك ىستەر قالدى. پاۆيلوندار ساپ تۇزەپ ءتىزىلىپ تۇر، سەرۆيستىك ينفراقۇرىلىم دا بابىندا. الەمدىك كاسىبي قوعامداستىق استاناداعى ءدۇبىرلى دە مەرەيلى وقيعانىڭ قىزىقتى بولارىن مويىنداۋدا. ەلباسى مەن كورمەلەردىڭ حالىقارالىق بيۋروسى دا جوعارى باعاسىن بەردى. قىسقاسى جۇمىس جالعاسۋدا جانە ءتۇرلى ارانداتۋشىلىقتارعا نازار اۋداراتىن ۋاقىت جوق»، - دەيدى استانا ەكسپو-2017» ۇك» اق قوعاممەن بايلانىس دەپارتامەنتىنىڭ ديرەكتورى سەرگەي كۋيانوۆ.

كورمە وكىلى بۇعان دەيىنگى دەكوراتيۆتىك كوپىردىڭ قۇلاۋىنا دا توقتالا كەتتى. ونىڭ سوزىنە قاراعاندا، قالپىنا كەلتىرۋ ارەكەتتەرى قارقىندى جۇرۋدە جانە جاقىن ارادا مارە سىزىعىن كەسەدى. توتەنشە جايتتان سوڭ ءتيىستى قۇرىلىمدار تۇگەل ەگجەي-تەگجەيلى ساراپتالعان. اقاۋلار بايقالماعانمەن، قاجەتتى تۇستار قوسىمشا نىعايتىلعان. جاعىمسىز وقيعانىڭ سەبەبى سوندا، ء«ۆى group» كومپانياسى جوبالاۋ ءىس-قيمىلدارىنا ءوزىنىڭ وتاندىق كاسىپورنىن تارتقان. سودان تەمىردىڭ تالاپقا ساي ءتۇرى قويىلماعان جانە «جىعىلعانعا جۇدىرىق»، قاراشا ايىنداعى سۇمدىق سارىشۇناق ايازدار تەمىر ەكەش تەمىردى دە شىداتپاي، سىندىرىپ جىبەرگەن. قازىرگى كەزدە، كومپانيا وكىلىنىڭ سەندىرۋىنشە، قاۋىپسىزدىك ماسەلەسى تولىقتاي قامتاماسىز ەتىلگەن. 

Abai.kz