وزبەك شوۋ بيزنەسى وتە "نازىك" تاقىرىپ. ونداعى انشىلەردىڭ ءاربىر قيمىلى اڭدۋلى، ەسەپتەۋلى، ولشەۋلى. ءار ايتقان ءسوزى مەن ەل الدىنداعى ءجۇرىس-تۇرىسىن، كيىم كيىسىن اڭدىپ وتىراتىن ارنايى ۇيىمى دا بار. مۇنىڭ بارلىعى شوۋ بيزنەس وكىلدەرىنە جۇكتەلگەن جاۋاپكەرشىلىكتىڭ قانشالىقتى زور ەكەنىن اڭعارتادى.

تاميلا (ەسمەرالدا راحماتوۆا)

وزبەكتىڭ بۇل ءانشىسى جارتىلاي جالاڭاش كۇيىندە ەكى بەينەسيۋجەتكە ءتۇسىپ، وزبەك جۇرتىن شۋلاتقان بولاتىن. ونىڭ ۆيدەولارى ەلگە تارالىپ كەتىپ، ءانشى ەلدىڭ ءبىراز سىنىنا ۇشىراعان. وسىلايشا،  تاميلا ەل الدىنا شىعۋدان قالدى.

ديانا ياگوفاروۆا

وزبەك شوۋ بيزنەسىندە ەندى عانا جارقىراپ شىعىپ كەلە جاتقان جۇلدىزداردىڭ ءبىرى ديانا ياگوفاروۆا ەدى. الايدا 2009 جىلى بولعان اتىشۋلى جايت ونىڭ وزبەك قاۋىمى الدىنداعى ابىرويىن شەلەكتەپ توكتى. جەلىدە ونىڭ باحروم ياكۋبوۆ ەسىمدى رەجيسسەرمەن (ناقتى ەمەس، سوعان ۇقسايتىن ازامات) توسەك ساحنالارىن سومداعان ساتتەرىنىڭ ۆيدەوسى تاراپ كەتكەن. بۇدان كەيىن وزبەك شوۋ بيزنەسىنىڭ ەسىگى ول ءۇشىن تارس جابىلدى.

وزودا نۋرسايدوۆا

وزبەك ءانشىسى وزادا نۋرسايدوۆاعا كونتسەرت بەرۋگە تىيىم سالىنعالى 8 جىل ءوتتى. ءانشىنىڭ ءان كەشتەرى وتە ادەپسىز تۇردە وتكەندىكتەن، وعان رۇقسات بەرىلمەگەن.

رايحون گانيەۆا

ءانشى رايحوننىڭ لولا يۋلداشەۆامەن بىرىگىپ ايتقان "كۋنىكمادىم" انىنە 2015 جىلى تۇسىرىلگەن بەينەباياندا ەروتيكالىق كەيىپتە ءتۇسۋى مەملەكەتتىك شەنەۋنىكتەردىڭ اشۋىنا تيەدى. ولار قوس ءانشىنى قاتاڭ سىننىڭ استىنا الىپ، ولار ليتسەنزياسىنان ايىرىلىپ قالا جازداعان. تەك بيلىكتەگى كەيبىر تامىر-تانىستارىنىڭ ارقاسىندا عانا ولار ليتسەنزياسىن ساقتاپ قالعان بولاتىن. دەگەنمەن رايحون تۋرالى جاعىمسىز پىكىر سول كەزەڭنەن باستاپ قالىپتاسىپ قالدى. 

لولا يۋلداشەۆا

لولا يۋلداشەۆا جوعارىدا ايتىلعان بەينەباياننان سوڭ وزبەك ساحناسىندا ءان ايتۋ مارتەبەسىنەن ايرىلىپ تىندى. وعان ""وزبەك مەنتاليتەتىنە ساي ەمەس" دەگەن ايىپ تاعىلدى.

سايتقا ازىرلەگەن نۇرسۇلۋ نايمانوۆا.

Abai.kz