ناۋرىز مەيرامىنا قاراي قازاقستاندا «ەلارنا» اتتى جاڭا تەلەارنا اشىلادى. وندا وتاندىق فيلمدەر مەن سەريالدار كورسەتىلەتىن بولادى. بۇل تۋرالى بۇگىن ۇكىمەتتىڭ سەلەكتورلىق وتىرىسىندا اقپارات جانە كوممۋنيكاتسيالار ءمينيسترى داۋرەن اباەۆ حابارلادى.

«ناۋرىز مەيرامى قارساڭىندا جاڭا ەلارنا كينو-تەلەارناسىن ىسكە قوسۋ جوسپارلانۋدا. بۇل ارنا وتاندىق كوركەم جانە دەرەكتى فيلمدەر مەن سەريالداردى ترانسلياتسيالايتىن بولادى»، - دەدى مينيستر.

ەستەرىڭىزدە بولسا، 2014 جىلدىڭ ناۋرىز ايىندا "ەلارنا" تەلەارناسى جابىلىپ قالعان. قازاقستاننىڭ 75 پايىزىن قامتىم، 10 ميلليونعا جۋىق كورەرمەننىڭ كوزايىمىنا اينالعان ارنانىڭ جابىلۋىنا سول كەزدەگى بيۋدجەتتىك ماسەلەلەر سەبەپ بولعان ەدى. ول كەزدەگى ەكونوميكا جانە بيۋدجەتتىك جوسپارلاۋ ءمينيسترى بولعان  ەربولات دوساەۆ تۇسىنىكتەمە بەرىپ، "مەملەكەت قازىناسىنان 2 ميلليارد تەڭگە بولىنسە دە، ارنا تەك 300 ميلليون تەڭگەنىڭ جوسپارىن ورىنداي الادى" دەگەن. ارينە، ارنانىڭ جابىلۋىنا ول كەزدە جاناما سەبەپتەردىڭ بولعانى قيسىندى. ءتىپتى، سول كەزدىڭ وزىندە ارنا قىزمەتكەرلەرى "تومەن رەيتينگ" ءۇشىن ارنانى جابۋ اقىلعا قونىمسىزدىعىن ايتقان. 

نە دەسەك تە، 2017 جىلدىڭ كوكتەمىندە "ەلارنا" ارناسى قايتا اشىلاتىن بولدى. مينيستر داۋرەن اباەۆتىڭ اشپاعى قاي "ەلارنا" ەكەنىن ۋاقىت كورسەتەر.

Abai.kz