ون ءۇش جاسىندا امەريكا قۇراما شتاتتارىنا قازاق ەلىنەن قونىس اۋدارعان  بىلعارى قولعاپ شەبەرى  قازاقستان سپورتى تۋرالى شاعىن ويىن ورتاعا سالدى. 

- ديماش، سەن قازىر الىس شەت ەلدە تۇرىپ جاتىرسىڭ. سىرتتان قاراعاندا قازاقستاندىق بوكسشىلاردىڭ تابىسىنا  كوڭىلىڭ تولا ما؟ كوزقاراسىڭ قانداي؟ ەل سپورتىنىڭ بولاشاعىن قالاي دەپ باعالار ەدىڭ؟

-  قازاقستاندىق بوكسشىلاردى قاي جەردە جۇرسەم دە، قاي ورتادا بولايىن، ماقتانىشپەن ايتىپ جۇرەمىن. اۋەسقوي بوكستا عانا ەمەس، كاسىبي بوكستا دا جىگىتتەر الەمدى اۋزىنا قاراتىپ، وزدەرىن بارلىق قىرىنان تانىتىپ، مىقتىلىقتارىن دالەلدەۋمەن كەلەدى. پرەزيدەنت ن. نازارباەۆ تا سالاۋاتتى ءومىر سالتىنا ەرەكشە كوڭىل ءبولىپ، سپورتتىڭ بارىنشا دامۋىنا قاجەتتى مولشەردە قارجى-قاراجاتتى اياپ وتىرعان جوق.  مادەنيەت جانە سپورت ءمينيسترى ارىستانبەك مۇحامەديۇلىنىڭ دا ەڭبەگى ەلەۋلى. سپورتتىق ارەنالاردا قازاقستاننىڭ اتىن شىعارۋ ءۇشىن ول  ەشنارسەدەن ايانىپ قالماق ەمەس.

-         ال، ءوزىڭ بوكسپەن قاي كەزدەن باستاپ اينالىسا باستاپ ەدىڭ؟

- سپورتقا، ونىڭ ىشىندە بوكسقا دەگەن ىقىلاسىم قازاقستاندا باستالدى. مەنىڭ العاشقى باپكەرىمدى كوبى جاقسى بىلەدى. ول - نۇرعالي سافيۋللين. ونىڭ ءتالىمىن كورگەن تالاي ساڭلاق حالىقارالىق  دودالاردا توپ جارىپ ءجۇر، وليمپ شىڭدارىن باعىندىردى.

-  قازىرگى كۇندە جاتتىعۋلارىڭ قالاي وتۋدە؟  سەنى رينگتە قاشان كورەمىز؟

-  مەنىڭ بار ءومىرىم جاتتىعۋمەن ءوتىپ ءجۇر دەسەم ارتىق ايتقاندىق ەمەس. جاتىعۋدان قول ءۇزىپ كورگەنىم جوق. بار بوس ۋاقىتىمدى اكەمىز ەكەۋمىز سپورت زالدارىندا وتكىزەمىز. ەكەۋمىز دە تولىپ جاتقان ايتۋلى تۋرنيلەردە جەڭىسكە جەتتىك. 18 جاسىمدا كيكبوكسينگتەن الەم چەمپيونى اتاندىم. جاسوسپىرىمدەر اراسىندا نيۋ-يوركتە ماعان تەڭ  كەلەر ەشكىم بولمادى، سونداي-اق Empire State Games تۋرنيرىندە دە جۇلدىزىم جاندى. قازاقستان اتىنان پەكيندەگى وليمپياداعا جولداما الۋعا تىرىسىپ باققام، بىراق ازاماتتىققا قاتىستى  تۋعان پروبلەمالار سالدارىنان مەنىڭ كاسىپقوي بوكسقا اۋىسۋىما تۋرا كەلدى. كۇنى بۇگىنگە دەيىن 10 كەزدەسۋ وتكىزىپپىن. ەشكىمنەن جەڭىلگەنىم جوق.  ارينە، الەم چەمپيونى اتاعىن جەڭىپ الۋ دەگەن دە ارمانىم بار.

جازىپ العان ارايلىم مەلدەشوۆا

Abai.kz