Cابىر اداي. اتا مەن اتا زاڭ
اتا - ۇرپاعىنىڭ قامى ءۇشىن قانداي قامقورلىق جاساسا، قر اتا زاڭىدا قازاق ۇلتىنىڭ بولاشاعى ءۇشىن ءدال سونداي قامقورلىق جاساۋعا مىندەتتى.
دارەجەسى اسقاق، انىق تا، ايقىن جانە ۇلتتىق مۇددەنى قورعايتىن بۇلجىماس قاعيدا بولۋى ءتيىس. سەبەبى، ۇلتتىق مەملەكەتپىز. ال، سول ۇلتتىق مۇددەمەن اتالىق قاعيدادان اۋىتقىعان زاڭنىڭ بارلىعى -زاڭسىزدىقتى زاڭداستىرۋدىڭ كورىنىسى بولىپ قالا بەرمەك.
ۇلتىن الداعان اتا زاڭ - ۇرپاعىن الداعان اتامەن بىردەي.
اتا زاڭعا ادال بولايىق، اعايىن!
كوزى قاراقتى جانداردىڭ جان ايقايىنا دەر كەزىندە ءمان بەرەيىك. ورتاق ماقساتقا قول جەتكىزۋ ءۇشىن - ۇلتتىق وي مەن سانانىڭ تۇتاستىعى قاجەت.
ءبىر xالىقتى وتىرىككە كوندىرۋگە بولار، بىراق ادامزاتتى شىندىقتان اداستىرۋ مۇمكىن ەمەس. وسى جولعى ءار قازاقتىڭ اتا زاڭداعى وزگەرىستەرگە دەگەن قاتىسى - الەم الدىنداعى ۇلتتىق قۇنىمىز بەن قۇنارىمىزدىڭ ولشەمى بولماق. وزگەرتۋ - وزىمبىلدىكتىڭ "تۋىندىسى" ەمەس، ۇلتتىق جاسامپازدىقتىڭ جارشىسى بولادى دەپ ۇمىتتەنەمىز.
بۇل جولعى اتا زاڭ بۇرىنعىدان دا قازاق حالقىنىڭ تاعدىر-تالايىنا جاقىنىراق، بولاشاعىنا قورعان، قازاقتى قاسىرەت پەن قايعىدان ساقتايتىن قامال بولادى دەپ سەنگىمىز كەلەدى.
