ۇيىنەن ميلليون دوللار اقشا جوعالتقان باقتىباي ءجۇنىسوۆ جايلى ءارتۇرلى اڭگىمەلەر ايتىلىپ جاتىر. Abai.kz اقپاراتتىق پورتالىنىڭ پوچتاسىنا تومەندەگى ماتەريال كەلىپ ءتۇستى. ءبىز ءبىر ءسوزىن دە وزگەرتپەي، وقىرمان نازارىنا ۇسىنىپ وتىرمىز. 

Abai.kz اقپاراتتىق پورتالى

ارقادا ءبىر مىقتى قازاق بار. اللا القاعان، ارۋاق جەبەگەن قازاق. جاقسىنىڭ جالعاسى. ءبىر عانا ازاماتتىعىن ايتايىن. "قاراعاندىدا جالعىز قازاقشا گازەت بار دەگەن نە سۇمدىق؟ ەكىنشىسىن اشامىز. سمەتاسىن دايىنداپ əكەل"- دەپ شورت كەستى. ءبىز دە كەلىستىك.

ونىسى-مۇنىسىن ەسەپتەپ كەلگەندە كوپ دوڭگەلەك سان كوز الدىمدا وليمپيادا سيمۆولىنداي كولبەڭدەپ قالدى. "Əي، مىناعان كەلىسە قويمايتىن شىعار. اينىپ كەتەر" دەگەن ويمەن باردىم الدىنا. سمەتانى كوزəينەك استىنان ءبىر ءسۇزىپ ءوتتى دە: "جاقسى، تەك ەكى عانا شارتىم بار. ءبىرىنشىسى، "جەلتايا پرەسسادان" اۋلاق ەتىڭدەر گازەتتى. ەكىنشىسى گازەتتى مەن اشتى دەپ جالاۋلاتىپ، جالتاقتامايسىڭدار. مەنىڭ ءوز ابىرويىم وزىمە جەتەدى. جəنە گازەتتەرىڭنىڭ جۇمىسىنا دا ارالاسپايمىن" دەدى. ايماقتىق "ارقا اقشامى" گازەتى وسىلاي دۇنيەگە كەلدى. 

قاراعاندىدا ءبىراز باي-باعىلان بار عوي. قالتاسىنان كوك قاعاز شىعارسا سونىسىن سىلەت ەتىپ، پيارلاتىپ، ەل الدىندا ءوزىن مەتسەنات كورسەتكىسى كەلەتىن. بۇل كىسى ول قالىپتان ەمەس. مىسالعا، قازاق حاندىعىنىڭ 550 جىلدىق تويىنا دا ءبىراز قارجى اۋداردى. ونىسىن بىراق ەشكىمگە بۇلداپ، گازەتكە جاريالاتىپ جاتپادى. قاسىم امانجولوۆتىڭ 100 جىلدىعى، قارقارالىنىڭ 190 جىلدىعى، تəتتىمبەت قازانعاپۇلىنىڭ 200 جىلدىعى، توقتار Əۋبəكىروۆتىڭ 70 جىلدىعى مەرەيتويلارىندا باستى دەمەۋشى وسى كىسى. بىراق ونىسىن قاسىندا جۇرگەن ءبىز بولماساق كوپشىلىك بىلمەيدى.

نەگە بىلمەيتىنىنىڭ سەبەبىن ايتايىن. وسىدان ءۇش جىل بۇرىن 60 جاسقا تولىپ، مەرەيتويىن جاسادى. بىلدەي ءبىر زاڭ عىلىمدارىنىڭ دوكتورى، پروفەسسور اتاعى بار ادام. ەل اراسىنداعى بەدەلى بار. "ورتالىق قازاقستان" گازەتىنىڭ باس رەداكتورى ماعاۋيا سەمباي اعامىز حابارلاسىپ، مەرەيتويىنا وراي ماقالا جازىپ بەرسەڭ دەدى. قۋانا كەلىستىك. بىراق، كەيىپكەرىم بىرازعا دەيىن كەلىسىم بەرمەي قويدى. جاۋابى، "مەن وندايدى ۇناتپايمىن" دەيدى. باۋكەڭنىڭ الدىنا ءۇش كەلگەن الەكساندر بەك قۇساپ، ماعاۋيا اعاما ۋادە بەرىپ قويىپ ەدىم دەپ، كەلىسىمىن əرەڭ الدىم. وسىنداي جاقسىلىعىن جاريا ەتپەيتىن ادام بولعان سوڭ، كوبى بىلە بەرمەيدى-اۋ مەنىڭ باقتىباي ءجۇنىسوۆ اعامدى. 

دىنىمىزدە رياسىز دەگەن دۇنيە بار. بۇل جاساعان جاقسىلىقتى جاريا ەتپەۋ. مەنىڭ باقتىباي اعام وسىنداي ادام!

جانات جاڭقاشۇلى

Abai.kz