ەلوردادا سيرياداعى جانجالدارعا قاتىستى تاراپتاردىڭ وتىرىسى باستالدى. سوعىس ءجۇرىپ جاتقان ەلدەردى بىتىمگەرلىككە شاقىراتىن بۇل جيىن "استانا پروتسەسسى" دەپ اتالادى. وعان قازاقستان، تۇركيا، رەسەي، سيريا جانە يران دەلەگاتسياسى قاتىسۋدا. شەتەلدىك دەلەگاتسيا وكىلدەرى استاناعا كەلدى. ولاردى قازاقستاننىڭ سىرتقى ىستەر ءمينيسترى قايرات ءابدىراحمانوۆ مىرزا قابىلدادى.

سونداي-اق، اتالعان پروتسەسس جۇمىسىن 300-دەن استام شەتەلدىك باق ازىپ، تاراتۋدا.

ال وسىعان دەيىن سيرياداعى ساياسي كۇشتەردى تاتۋلاستىرۋ ماسەلەسى بويىنشا مينيستر ءالي حايدار كەلىسسوزدەردىڭ توڭىرەگىندەگى اتموسفەرا "جاعىمدى ەمەس" دەپ مالىمدەگەن بولاتىن. ونىڭ ايتۋىنشا، سيريا ۇكىمەتى استاناداعى كەزدەسۋگە قاتىسۋعا كەلىسىم بەردى، سونداي-اق، جەنەۆا مەن ماسكەۋدەگى كەلىسسوزدەرگە قاتىسۋعا شەشىم قابىلداعان. "بۇنداي مامىملەلى جيىندارعا قاتىسۋىمىزدىڭ باستى  سەبەبى - "داماسك ديالوگقا قارسى" دەگەن تۇسىنىكتى جوققا شىعارۋ بولىپ تابىلادى. بىراق كەلىسسوزدەردىڭ ناتيجە بەرە قويارىنا ءال-ءازىر سەنە المايمىن", - دەيدى سيريالىق مينيستر ءالي حايدار.

مىنە، جاڭا عانا قر ءسىم ءبىرىنشى ورىنباسارى رومان ۆاسيلەنكو ءباسپاسوز ءماسليحاتىن وتكىزدى.

-اتالعان جيىنعا قازاقستان قاتىسپايدى. ءبىز تەك سيريا احۋالىن رەتتەۋگە باعىتتالعان كەلىسسوزدەردى وتكىزۋ ءۇشىن ورىن بەرىپ وتىرمىز. بۇل رەسەي جانە تۇركيا پرەزيدەنتتەرىنىڭ باستاماسى بويىنشا وتكىزىلىپ وتىر. سونداي-اق، كەلىسسوزدەرگە اقش-تىڭ قازاقستانداعى ەلشىسى جون كرولل مىرزا دا قاتىسۋدا. بۇۇ سيريا ماسەلەلەرى جونىندەگى وكىلدەرى دە بۇگىن استاناعا كەلدى، - دەدى ول.

ءسويتىپ، الەم حالقىن تۇراقتىلىققا ۇندەپ جۇرگەن ەلباسى نازارباەۆتىڭ ىقپالىمەن سيريا ماسەلەسىنىڭ ءتۇيىنىن الەم ساياساتكەرلەرى ەلوردادا شەشپەك.

ايتا كەتەيىك، ءتۇريا مەن رەسەي پرەزيدەنتتەرى باستاما كوتەرگەنىمەن، بۇگىن استانادا باستالعان جيىنعا بىردە-ءبىر ەلدىڭ پرەزيدەنتتەرى كەلمەگەن. مىسالى، سيريا دەلەگاتسياسىن بۇۇ جانىنداعى وكىلدەر باستاپ كەلسە، تۇركيا وكىلى رەتىندە تر ءسىم ورىنباسارى كەلگەن.

كۇتكەنىمىزدەي سيرياداعى 15 وپپوزيتسيالىق ۇيىمنىڭ باسشىلارى دا استاناداعى كەلىسسوزگە كەلدى.

"استانا پروتسەسى" جيىنان نۇرگەلدى ابدىعانيۇلى 

استانا

Abai.kz