وتكەن اپتادا «ازاتتىق» راديوسىنىڭ سايتىندا قازاقستان مۇسىلماندارى ءدىني باسقارماسىنىڭ وكىلى - ءابدىمۇتالىپ داۋرەنبەكوۆتىڭ پىكىرى جاريالاندى. ول كىسىگە سەنسەك، ساقال قويعان ادامنىڭ ءبارى ۋاحاب ەكەن. قالاي دەسەڭىز، «ازاتتىقتىڭ» ورىسشا نۇسقاسىندا «.. ۆاححابيتوۆ مى ۋزناەم داجە پو پوحودكە، پوسكولكۋ وني نوسيات كوروتكيە بريۋكي، نە زاكرىۆايۋششيە ششيكولوتوك. كرومە توگو، وني نوسيات بورودى»، - دەگەن داۋرەنبەكوۆتىڭ ءسوزى تۇر. ال قازاقشاسىن وقىساڭىز، ۇزىن ساقال قويعاننىڭ ءبارى ۋاحاب بولىپ شىعادى. نە اۋدارماشىنىڭ قاتەلىگى، الدە ەلدى ارانداتىپ، ساقال قويعاننىڭ ءبارىن ەلدىڭ جاۋى عىپ كورسەتۋ ءۇشىن ادەيى سولاي جازىلعان. انىق-قانىعىن بىلمەككە ءابدىمۇتالىپ مىرزانىڭ وزىنە قوڭىراۋلاتقانبىز. قمدب-نىڭ ءدىني ءبىلىم جانە وقۋ-اعارتۋ ءبولىمىنىڭ باستىعى ول سوزىندە بەي-بەرەكەت قويىلعان ساقالدى ايتقانىن جەتكىزدى. ەندەشە «ازاتتىق» نەگە ءسوزدى بۇرمالايدى؟ «ايت پاركتە» ايتىلعان ءسوزدى ەلگە تەرىس جەتكىزۋ نە ءۇشىن كەرەك؟ مۇسىلمانداردىڭ ءبىر-ءبىرىن جاۋ كورىپ، ساقالدى-ساقالسىز بولىپ ءبولىنىپ جۇرگەنىن قالاي ما الدە؟ ول جاعى بىزگە قاراڭعى. ماقالا اۆتورى قازيس توعىزباەۆتىڭ نە قيالداعانىن ءوزى عانا بىلەدى.

ءابدىمۇتالىپ مىرزانىڭ دا بەي-بەرەكەت سويلەگەنىنە تاڭىمىز بار. «ازاتتىق» جازعانداي ءجاي ساقال، ۇزىن ساقال بولماي-اق قويسىن. ايتپەسە، ساقالى بار گريگوري مارچەنكو، ءاسانالى ءاشىموۆ نەمەسە ەرلان كوكەەۆتەن دە ۋاحاب ەمەس پە ەكەن كۇدىكتەنىپ جۇرەر مە ەدىك، كىم بىلەدى؟ بىراق ءا.داۋرەنبەكوۆ  بەي-بەرەكەت قويىلعان ساقالدى ايتىپتى دەدىك قوي.

وتكەن اپتادا «ازاتتىق» راديوسىنىڭ سايتىندا قازاقستان مۇسىلماندارى ءدىني باسقارماسىنىڭ وكىلى - ءابدىمۇتالىپ داۋرەنبەكوۆتىڭ پىكىرى جاريالاندى. ول كىسىگە سەنسەك، ساقال قويعان ادامنىڭ ءبارى ۋاحاب ەكەن. قالاي دەسەڭىز، «ازاتتىقتىڭ» ورىسشا نۇسقاسىندا «.. ۆاححابيتوۆ مى ۋزناەم داجە پو پوحودكە، پوسكولكۋ وني نوسيات كوروتكيە بريۋكي، نە زاكرىۆايۋششيە ششيكولوتوك. كرومە توگو، وني نوسيات بورودى»، - دەگەن داۋرەنبەكوۆتىڭ ءسوزى تۇر. ال قازاقشاسىن وقىساڭىز، ۇزىن ساقال قويعاننىڭ ءبارى ۋاحاب بولىپ شىعادى. نە اۋدارماشىنىڭ قاتەلىگى، الدە ەلدى ارانداتىپ، ساقال قويعاننىڭ ءبارىن ەلدىڭ جاۋى عىپ كورسەتۋ ءۇشىن ادەيى سولاي جازىلعان. انىق-قانىعىن بىلمەككە ءابدىمۇتالىپ مىرزانىڭ وزىنە قوڭىراۋلاتقانبىز. قمدب-نىڭ ءدىني ءبىلىم جانە وقۋ-اعارتۋ ءبولىمىنىڭ باستىعى ول سوزىندە بەي-بەرەكەت قويىلعان ساقالدى ايتقانىن جەتكىزدى. ەندەشە «ازاتتىق» نەگە ءسوزدى بۇرمالايدى؟ «ايت پاركتە» ايتىلعان ءسوزدى ەلگە تەرىس جەتكىزۋ نە ءۇشىن كەرەك؟ مۇسىلمانداردىڭ ءبىر-ءبىرىن جاۋ كورىپ، ساقالدى-ساقالسىز بولىپ ءبولىنىپ جۇرگەنىن قالاي ما الدە؟ ول جاعى بىزگە قاراڭعى. ماقالا اۆتورى قازيس توعىزباەۆتىڭ نە قيالداعانىن ءوزى عانا بىلەدى.

ءابدىمۇتالىپ مىرزانىڭ دا بەي-بەرەكەت سويلەگەنىنە تاڭىمىز بار. «ازاتتىق» جازعانداي ءجاي ساقال، ۇزىن ساقال بولماي-اق قويسىن. ايتپەسە، ساقالى بار گريگوري مارچەنكو، ءاسانالى ءاشىموۆ نەمەسە ەرلان كوكەەۆتەن دە ۋاحاب ەمەس پە ەكەن كۇدىكتەنىپ جۇرەر مە ەدىك، كىم بىلەدى؟ بىراق ءا.داۋرەنبەكوۆ  بەي-بەرەكەت قويىلعان ساقالدى ايتىپتى دەدىك قوي.

قمدب - رەسپۋبليكاداعى كۇللى مۇسىلمانداردىڭ باسىن قوسقان ىرگەلى ۇيىم بولعاسىن، ءابدىمۇتالىپ مىرزا ەلدەگى بارشا ءتىلىن كاليماعا كەلتىرگەن جانداردىڭ اتىنان سويلەپ وتىرعان ىسپەتتى ەمەس پە؟ ەندەشە، اعامىز باياعى  زاماننىڭ ايگىلى عۇلامالارىنشا اۋزىنا تاس سالىپ وتىرىپ، ويلانىپ سويلەۋى كەرەك ەدى.

قازاقتى انىق يسلامنان الىس جۇرگەنىن قالايتىندار قازىر ونسىز جەتىپ ارتىلادى. بىزگە ەندىگى جەتپەگەنى - ساقال ءۇشىن قازاقتاردىڭ، مۇسىلمان باۋىرلاردىڭ ءبىر-بىرىنە الاكوز بولعانى ەدى. ساقال - پايعامبارىمىز مۇحاممەدتىڭ (س.ع.س) سۇننەتى. ورىنداساڭ، ياعني، ساقال قويساڭ، ساۋابى - وزىڭە. ورىنداماساڭ - ءوز ەركىڭ، ياعني، ايىبى جوق. سولاي ەمەس پە؟ «اڭداماي سويلەگەن اۋىرماي ولەدى» دەگەن وسى.