وقو-دا اگروونەركاسىپ كەشەنىن دامىتۋدىڭ 2017-2020 جىلدار ارالىعىندا ورىندالاتىن ستراتەگيالىق التى باعىتى ايقىن، - دەپ حابارلايدى اباي-اقپارات.

مال شارۋاشىلىعىن دامىتۋ وڭتۇستىك قازاۇستان وبلىسىندا وزگە دە رەسپۋبليكالىق باعدارلامالار بويىنشا جۇزەگە اسىرىلۋدا. ماسەلەن، «سىباعا» باعدارلاماسى ارقىلى 22 مىڭ انالىق iرi قارا ساتىپ الىندى. تۇقىمدىق تۇرلەندiرۋگە 72,3 مىڭ انالىق iرi قارا الىندى. ول جالپى ۇرعاشى مالدىڭ 19,1 پايىزىنا تەڭ.

سول سەكiلدi «التىن اسىق» باعدارلاماسى بويىنشا 31,4 مىڭ قوي ساتىپ الىنىپ، تۇقىمدىق تۇرلەندiرۋگە 146,1 مىڭ انالىق قوي قاتىستىرىلۋدا.

ال، «قۇلان» باعدارلاماسى اياسىندا ساتىپ الىن­عان جىلقى سانى 3,4 مىڭعا جەتiپ، جوسپار 1,3 ەسەگە ارتىق ورىندالدى.

وبلىس اكىمى جانسەيىت تۇيمە­باەۆ اۋىل شارۋاشىلىعىندا بۇگىنگى جەتكەن جەتىستىكتەرگە توقمەيىلسىپ وتىرعان جوق. ايماقتىڭ اۋا رايى، جەر جاعدايى جاقسى، شارۋالار مەن ديقانداردىڭ ەڭبەكقورلىعىن ۇنەمى ايتىپ وتىراتىن وبلىس باسشىسى اۋىل شارۋاشىلىعىنىڭ كوپ تۇرىمەن ەلىمىزدى قامتۋعا مۇمكىندىك مول ەكەندىگىن نازارعا ۇستاپ كەلەدى. ول ءۇشىن ناقتى ءىس-شارالار جوسپارىن بەكىتكەن.

«التىن كۇز-2016» سالتاناتتى جيىنىندا: «ەگىس كولەمى وتكەن جىل­مەن سالىستىرعاندا 13 مىڭ گەكتارعا ارتىپ، باقشا، كوكو­نىس، ماقتا، كارتوپ جانە جەمىس-جيدەك داقىلدارىنان مول ءونىم جينالدى. ءونىم كولەمىن، گەكتار تۇسىمدىلىگىن ارتتىرۋعا نەگىزى­نەن شارۋاشىلىقتاردىڭ اگروتەح­نولوگيالىق ءىس-شارالاردى دۇرىس جۇرگىزۋدىڭ ناتيجەسىندە قول جەت­كىزىپ وتىرعاندىعىمىزدى ماق­تانا اي­تۋىمىزعا بولادى. ونىڭ ىشىندە، تەرەڭ قوپسىتۋ تەحنولوگيا­سى، تام­شىلاتىپ سۋعارۋ ءادىسى مەن جىلى­جاي­لاردىڭ كولەمى بويىن­شا رەسپۋب­ليكادا كوش باستاپ كەلەمىز»، - دەدى وبلىس باسشىسى.

سونىمەن قاتار، وبلىستا سوڭعى ءۇش جىلدىڭ وزىندە 2 مىڭ گەكتار وندىرىستىك قارقىندى باۋلار وتىرعىزىلعانىن، ونىڭ تيىم­دىلىگى گەكتارىنان ماقتامەن سالىس­تىرعاندا 30 ەسەگە، باقشامەن سالىستىرعاندا 10 ەسەگە ارتىق ءونىم الۋعا بولاتىنىن ايتتى. قارقىندى باۋلاردىڭ كولەمىن ۇلعايتۋعا مۇم­كىندىكتەردىڭ بارلىعى بار ەكە­نىنە توقتالعان اكىم مال شارۋا­شىلىعىندا دا قابىل­دانعان ءىس-شارالار مەن «سى­باعا»، «التىن اسىق»، «قۇلان» باعدار­لاما­لارى جوعارى دەڭگەيدە ورىندالىپ جاتقانىن اتاپ ءوتتى. قازىرگى ۋاقىتتا وڭتۇستىك قازاق­­ستان وبلىسىندا ءوڭىر باسشى­سىنىڭ تاپسىرماسىمەن ونەر­كاسىپ كەشەنىن قارقىندى دامىتۋ جاعدايىندا اگروونەركاسىپ كەشەنىن دامىتۋدىڭ 2017-2020 جىلدار ارالىعىندا ورىندالاتىن ستراتەگيالىق التى باعىتى ايقىندالعان. وسى ستراتە­گيالىق باعىتتار تولىق ىسكە اسقان جاع­دايدا وڭتۇستىكتىڭ بەرەكەسى بۇگىن­­گىسىنەن دە مول بولماق.

اباي-اقپارات