وڭتۇستىك قازاقستان وبلىسىنىڭ سوزاق اۋدانىندا ۇشجاقتى كەلىسىمدە كورسەتىلگەندەي، اۋىل شارۋاشىلىعىن دامىتۋ جونىندەگى مەملەكەتتىك «سىباعا»، «التىن اسىق»، «قۇلان» باعدارلامالارى تولىقتاي ورىندالدى.

بۇل تۋرالى اۋداندىق اۋىل شارۋاشىلىعى جانە جەر قاتىناستارى ءبولىمىنىڭ باسشىسى اۋباكىر ساحيۇلى جەرگىلىكتى باق وكىلدەرىنە بەرگەن سۇحباتىندا ءمالىم ەتتى، دەپ حابارلادى سوزاق اۋدانى اكىمدىگىنىڭ ءباسپاسوز قىزمەتى.

جەلتوقسان ايىنىڭ سوڭعى مالەمەتتەرىنە سۇيەنسەك،  2016 جىلدىڭ قورىتىندىسى بويىنشا، «سىباعا» باعدارلاماسى بويىنشا 1500 باس ءمۇيىزدى ءىرى قارا مالىن اسىلداندىرۋ كوزدەلسە، جىل باسىنان بەرى جەتى ايدا اسىلداندىرىلعان ءىرى قارا باسى 1538-گە جەتىپ، مەجە 102 پايىزعا ورىندالىپ وتىر. سول سياقتى، «التىن اسىق» باعدارلاماسىنىڭ تاپسىرماسى بويىنشا 2000 باسقا جەتكىزۋ جوسپارى، 230 باسقا ارتىق شىعىپ، 111% ورىندالدى.  ال، مەملەكەتتىك «قۇلان» باعدارلاماسى 300 باس بولىپ بەكىتىلسە، قازىرگى تاڭدا پايىزدىق مەجە 101% قۇراپ وتىر. ءبىر جىلعا مەجەلەنگەن جوسپاردى جەتى ايدا ورىنداپ ۇلگەرگەن تەرىسكەيدىڭ اۋىل شارۋاشىلىعى ماماندارى جۇمىستار مۇنىمەن توقتامايدى دەيدى. مال باسىن اسىلداندىرامىن دەپ نيەت ەتكەن شارۋالارمەن جۇمىستار ودان ءارى جۇرگىزىلە بەرمەك. شارۋا قوجالىقتارىنىڭ باسشىلارى دا ساپالى ءونىم وتكىزۋدىڭ پايداسىن كورە باستادى.

اباي  اقپارات