وقو-دا اسىل تۇقىمدى قويدىڭ سانى 96 مىڭعا جەتتi, - دەپ حابارلايدى اباي اقپارات وبلىستىق اكىمدىكتىڭ ءباسپاسوز قىزمەتىنە سىلتەمە جاساپ. 

بۇگiندە رەسپۋبليكادا ەتتi-مايلى، بيازىلاۋ جانە بيازى ءجۇندi قوي تۇقىمدارىن اسىلداندىرۋ بويىنشا پالاتا قۇرىلۋدا. بۇل جونiندە «قوي تۇقىمدارى بويىنشا قۇرىلعان رەسپۋبليكالىق پالاتانىڭ جۇمىسىن، ماقساتى مەن مiندەتiن ءتۇسiندiرۋ» تاقىرىبىندا وتكەن ءماجiلiس بارىسىندا ايتىلعان-دى.

پالاتا اسىل تۇقىمدى قويلاردى ونiمدiلiك باعىتتارى بويىنشا اقپاراتتىق سەلەكتسيالىق اسىلداندىرۋ بازاسىنا ەسەپكە الۋ جانە تiركەۋدi ۇيىمداستىرىپ، سەلەكتسيالىق اسىلداندىرۋ باعىتتارىن رەتتەيدi. قويلاردىڭ تۇقىمدىق قۇندىلىعىن انىقتايدى جانە تيiستi كۋالiك بەرەدi. شەت ەلدەن اكەلiنگەن اسىل تۇقىمدى قويلارعا بەرiلگەن كۋالiكتi راستايدى. سونىمەن قاتار، اسىل تۇقىمدى قويلارعا بيۋدجەتتەن قارجى بولۋگە ۇسىنىس بەرەدi.

اۋىل شارۋاشىلىعى باسقارماسى ماماندارىنىڭ ايتۋىنشا، وبلىسىمىزدا بۇگiنگi تاڭدا 4 430 000 قوي بار. ونىڭ 440 مىڭى - قازاقتىڭ قىلشىق ءجۇندi قويى، 43 مىڭى - قاراكول، 35 مىڭى - بيازى ءجۇندi قوي. قازاقى قوي وبلىستىڭ بارلىق اۋداندارىندا وسiرiلەدi. ال، قاراكول قوي تۇقىمى تۇركiستان قالاسى، وتىرار، سوزاق، ماقتاارال اۋداندارىندا وسiرiلسە، بيازى ءجۇندi قوي قازىعۇرت، سارىاعاش، تولەبي، تۇلكiباس اۋداندارىندا كوپ. سونىمەن قاتار، سوڭعى جىلدارى جەرگiلiكتi عالىمداردىڭ سەلەكتسيالىق جۇمىستارىنىڭ ارقاسىندا جاڭادان «ورداباسى» قوي تۇقىمى شىعارىلىپ، بۇگiنگi تاڭدا ءوڭiردiڭ بارلىق اۋداندارىنا تاراتىلۋدا. بۇگiندە وسىناۋ اسىل تۇقىمدى قويدىڭ سانى 96 مىڭعا جەتكەن.

اباي-اقپارات