وڭتۇستىك قازاقستان وبلىسى بايدىبەك اۋدانىنا قاراستى اۋىلدارعا «ديپلوممەن اۋىلعا» باعدارلاماسى بويىنشا 19 مامان جۇمىسقا ورنالاستى دەپ حابارلايدى اباي-اقپارات بايدىبەك اۋدانى اكىمدىگىنىڭ مالىمەتىنە سۇيەنە وتىرىپ. اتاپ ايتار بولساق، ءبىلىم بەرۋ سالاسى بويىنشا – 5 مامان;  دەنساۋلىق سالاسى بويىنشا – 9 مامان; ۆەتەريناريا سالاسى بويىنشا – 3 مامان; سپورت سالاسى بويىنشا – 1 مامان; الەۋمەتتىك سالاسى بويىنشا – 1 مامان جىل باسىنا بەرى جۇمىسقا ورنالاسقا كورىنەدى.

«ديپلوممەن اۋىلعا» باعدارلاماسى بويىنشا جۇمىسقا ورنالاسۋعا ءوتىنىش بىلدىرگەن، مامانداردىڭ قۇجاتتارىن بايدىبەك اۋدانى اكىمدىگىنىڭ جانىنان قۇرىلعان كوميسسيا قاراپ، اۋدان اكىمدىگىنىڭ  №216 قاۋلىسىنا سايكەس الەۋمەتتىك شارالار ۇسىنىلعان.

-          اۋىل حالقىنىڭ تۇرمىس-جايى تۇراقتاپ، اۋىل ينفراستۋركتۋراسى دامىعان سايىن اۋىلدى جەرلەردە ماماندارعا دەگەن سۇرانىس ارتىپ كەلەدى، - دەيدى بايدىبەك اۋداندىق ىشكى ساياسات ءبولىمىنىڭ باسشىسى الدامجاروۆ وسكەن قوسىبايۇلى. – جەلوتقسان ايىنداعى مالىمەتتەرگە سۇيەنسەك، قازىر اۋدانعا قاراستى ەلدى-مەكەندەرگە 19 مامان قىزمەتكەر ماماندىقتارى بويىنشا قىزمەتكە ورنالاستى.

وسكەن قوسىبايۇلى سونداي-اق مامانداردى جۇمىسقا ورنالاستىرۋ مەن ولارعا قويىلاتىن تالاپتاردى دا اتاپ ءوتتى. ءبولىم باسشىسىنىڭ سوزىنە سۇيەنسەك، جوعارىدا اتالعان مامانداردىڭ ءبارى دە اۋىلعا كەرەك، ءارى قات ماماندار. ولار اۋىلدى جەرلەردە جۇمىسپەن عانا ەمەس، باسپانامەن دە قامتاماسىز ەتىلەدى. ءارى ءوز ماماندىقتارى بويىنشا قىزەمتتىك لاۋازىمعا دا بولاشاقتا يە بولماق.

شاحمۇرات مولدابەك

اباي-اقپارات